Fašenjski odbor je na svojem redovitem zasjedanju malo pretepel dobravske probljeme koji su se na tekočem pripetilji i donesel je odluku da jih na of način obznani. No, predi nek bi počelji prezivati, štel bi vuto ime pozdraviti se vas slušatelje i slušateljice, oženjene i neoženjene, radnike i one druge, komedijaše i lakrdijaše, kartaše i fliperaše, a posebno muzikante i zafrkante, vatrogasce i grlogasce, lovce i krivolovce, kuglaše, nogometaše, košarkaše i hrvatske rokometaše, skijaše i kajakaše, stipendiste i bandiste, dimnjičare i električare, mesare i zidare, malare i grobare, pekare i štacunare, traktoriste i becikljiste, pumpače i gumače, veterinare i vinogradare, kuhare i konobare, krčmare i podrumare, šnajdere i šujstre, glasoče i navijoče, precednike, tajnike i blagajnike i se one druge koje bomo ovdi spomenulji vu njihovim zgodama i nezgodama, komedijama i tragedijama, svinjarijama i huncvutarijama, zafrkancijama i zajebancijama. Ako se što nutri i prepozna nek mam z nosom ne zavija jer je to jena istinita fašenjska huncvutarija. A ve bi još štel povedati nekaj jako važno: VROBEC SE NA PESKO PIŠE  DOK VETER SPUHNE SE SE ZBRIŠE!

Točka 1.
Vrabec je čul da su Slovenci počelji delati pritisak i na naše ljude, a posebno na turiste koji ideju v Dojčland i na dar nesejo špecijalitet suhe jezike. Čulji smo da je precednik naše športske udruge dobil žutoga kartona od strane carinskih djelatnika, a suhi jeziki su dobilji crveni karton i moralji su napustiti vozilo. 
Šifra: medicinski kufer za labdoritaše 

Točka 2.
Dok smo pri putovanju evo i jene informativne točke o hodočašću. Čulji smo da naša eminentna novinarka nema informaciju da je Međugorje  ne pripojenu Hrvatskoj državi nego ju ovim putem Vrobec obavještava da je Međugorje v Bosni i Hercegovini pak dok se ide na hodočašće treba je zeti i putovnicu sebom. 
Šifra: Lesi se vraća kući 

Točka 3.
Vrobec je primetil da je v Dobravi otprta ferma za preradu i uništavanje otpada ali da za ve dela v ilegali. Kaj se po deno otpelja na smetišće, po noći se vozi dimo tj. vu firmo za preradu otpada. Prosilji bi vrloga djelatnika koji odvoža otpad na smetišće nek gazdu obavesti kaj bi on to mogel iskoristiti, pak bi se transport zašparal. V ovem slučaju su se betonske ploče otpeljalje na Dravu, pak ovim putem obaveštavamo gazdu da su ne otplavalje za Legrad. 
Šifra: Betonske ploče

Točka 4.
Da tehnologija napreduje vidlji ste i sami jer Dobrava već dogo ima internetsku stranicu. Primečeno je na općini da su korisnici Interneta slabo upućeni v elektronsko poštu, pak ih vrabec savjetuje nek pitaju tajnika za pošiljanje poruki, kaj nej poruke bilje neposlane a odgovor od urednika lista 24 sata se sako malo očekuje. Makar je pošta prek pota općine poštar ne hoda po elektronsko pošto ili e-mail nego je to treba se uredno poslati prek kompjutera. 
Šifra: novinarka 

Točka 5.
Vrabec bi prosil se one koji se držiju zapovedanoga posta pred Vuzem nek si itak nekaj  pojejo s časa na čas kaj se nej dogodilo kaj zmalaksaju pri Vuzmeni meši kak se to dogodilo ovo ljeto dok su učesniki koncerta podljegli slaboči pak su zaspalji v kljecalji prije koncerta. Vrabec bi ih ipak pohvaljil na glazbeni izvedbi jer su i onak zmalaksani dalji se od sebe. 
Šifra: Cirkvica na bregu
 
Točka 6.
Prosilji bi našega kapelnika nek malo pripazi de parkera svojega limenoga ljubimca jer je s krivim parkiranjem skorom izazval međuselski incidenat. Jemput se desilo kaj je sparkeral pred farofom pak je naš župnik ne mogel s autom oditi mešu sljužit vu Vidovec. Župnik se snašel pak je z becikljinom odišel, i sa sreća kaj je takov športaš jer je samo malo zakesnil na mešu. Vrabec je čul da su župljani iz susednoga sela štelji poslati ophodnju jer su misljili da je to nekakova provokacija ali je se na kraju dobro zišlo i diplomatski odnosi su ne prekinuti. 
Šifra: Dobravska vuljica 

Točka 7.
Razvojni put svakog športaša kreće se od pioniri pak juniori pak seniori i na kraju si veteran. Vrabec je primetil da je jena naša pjevačko-košarkaško-kuglačko-jebačka zvijezda započela labdoritašku karijeru u veteranima, pak je nastavil na kup utakmici za seniore, a čulji smo da je već i panika v juniorima jer bi mogel nekojima igračima mesto prevzeti. Prosimo trenera juniori nek ne podljegne pritiscima u prijelaznom roku, a vidlji smo i Mamićeve agente koji švrljaju po Dobravi pak bi naša zvezda mogla zaigrati za Dinamo. 
Šifra: Nastavi dalje dragi naš … ovo ljeto nesmemo povedati što 

Točka 8.
Si znate da je v Dobravi šport broj jedan postalo veslanje, da li v čono z motorom ili bez motora. Jen naš vesloč je odišel vrnuti zgubljene kalorije od veslanja v krčmo na voglo i nije pazil na veslo koje je naslonil na brajdoš. Još bolje je ne pazil šofer koji je sparkeral friško poforbanoga alta kre brajdoša. Veter je spuhnul, veslo je opalo na haubu, a auto je moral nazoja na ravnanje. 
Šifra: Čuvaj se šumara i dok veslo nese 

Točka 9.
Vrabec je već upozoril na pošiljanje emaila, nekoji nogometni novinari su savladalji tehniku,  samo su ne savladalji na vreme, pak je izvještaj z nogometnoga turnira odigranoga v majušu mesecu došel do urednika dobravskih stranici tek na jesen. Prosilji bi i za ažurnost a i za točnost kaj se nej ubuduće desilo da napišemo da se narodilo dete, a dete već ide v školo. 
Šifra: Turnir na Mađarski
 
Točka 10.
Već dok smo pri vremenu i ažurnosti, primečeno je da se na pozive piše kam treba dojti i v koji vuri treba dojti, samo se ne napiše koji den treba dojti. Vrabec je videl da su se članovi naše kulturne udruge skutilji bez obzira kaj je ne pisalo koji den treba biti jer su si zapamtilji na koji den opane godišnjica. 
Šifra: 80 ljet  

Točka 11.
Prosilji bi ribiče koji si uređuju ribička mesta nek ne rušiju dreve bez znanja zakona, jer tužne vrbe su zaštičene zakonom makar i negda smetaju v ribičiji. Vrobec mislji da bi šumarska služba trebala imati malo više sluha za nas Dobravčane. Ak se poseče nekaj malo vrbe kre Drove je ni treba tak vikati kaj te celji Posranec čuje. Am pok nemrejo opčinski službenici znati kaj je šumsko kaj vodno gospodarstvo.
Šifra: Tužna vrba, a još tužniji tajnik 

Točka 12.
Vrabec je primetil da su nekoji profesori i prije izborne pobjede počelji primjenjivati odluku o tomu kaj bi vjeronauk već nej bil v školji. Ako jen poznati aktivist SDP-a menja župnika na vjeronauku normalno je da ravnateljica neće platiti te vure jer se marksizam ne vrednuje isto kak i vjeronauk. 
Šifra: Nedemo dalje 

Točka 13.
Ako se ide po drva na Rasinju mogla bi se i karta terena nabaviti, a ne kaj radnik luta po šumama i gorama. A nakon dva sata lutanja po šumi prvo kaj je radniku na pameti je gemišt v kljeti, a za drva lako čemo. Za nabavu drva javite se na
šifru: Šodra vozim šodra bode 

Točka 14.
Dobravska mladež se aktivno uključila u borbu protiv alkohola. Naime, jen dečec si je dal truda i od Vidovca je prvo išel v Dobravu i unda pok pravac Sveta Marija i nazaj v Dobravu. Alkoholne pare su zginulje a i sorci so ni nikaj primetilji. Se pošteno samo so ga malo bolje noge boljelje jer je itak to kilometraža.
Šifra: Pješačenjem protiv alkohola 

Točka 15.
V našem Beveri Hilsu na Božić naveke ljepo žaroljice svetijo. Alji jega ioni koji očeju to svetlo malo stišati pak na sam Božić kurijo plastiku i zatamnjuju okolinu ili kak bi reklji delaju dimnu zavesu.
Šifra: Razlike nas povezuju i spajaju ali trovalji se nabomo

Točka 16.
Študenti Prvomajske vuljice trebalji bi znati da se jogenj more zakuriti i drugač, a ne z benzinom koji je namenjeni za motornu pilu. Jerbo so dečki išlji praf za praf v šumu drva rušit a ne klobose peč. Klobosi su se pojelji, benzin se potrošil, a drva i ve rosteju i dalje v šumi.
Šifra: Klobasičari 

Točka 17 
Vrobec prosi se obrtnike i privatnike koji na moru vile grade i ne delaju, nek na vratima ostajijo obavijest što im je zamjena, kaj se ne bi po mesec dni pred radnjom čekalo na zdravstvenu skrb.
Šifra: Tko čeka taj ne dočeka 

Točka 18.
Umoljavaju se dobravske udruge da vode računa komu i kakve medalje se dodjeljuju i kolika se količina alkohola toči na godišnjoj skupštini. Da li su krive medalje, alkohol ili nekaj trečega Vrobec je ni doznal ali z altom tresnoti koljegu je bogme, se izvinjavamo na izražaju, čistomce ne vredu.
Šifra: Vatru gasi brata spasi 

Točka 19.
Da se brod Zrinski jenpot ftopil na Muri ste čulji ali da se Margareta ftopila dva puta u dva dana na Dravi sigurno niste znalji ali najte biti straho. Margareta je samo čon jenoga našega bivšega selonačelnika. Poruka vlasniku: ako vam se naša poznata stihoklepka ponudi za kumu onda to i prihvatite jer vam je mortik kakve coprije hitila na čon.
Šifra: najstareši fljojsar

Točka 20.
U ovi točki bomo čulji kak se Margarta ftopila drugi pot. Na prvi plovidbi Margarete je bil angažerani naš kapetan rječne plovidbe, ali su moralji angažerati i vodoinstalatera koji bi instaliral pipu na koju bi tekla voda vun z čona. Čon je bil presušeni pak je puščal na se strane, voda se ne mogla shitati vun, a naš selonačelnik si je skorom meštriju zmočil. Vrabec je seznal da je kapetan ne bil nikaj kriv, i još je uspel čona vrnuti u sigurnost matične luke. Po pitanju visine honorara kapetana rječne plovidbe Vrabec je ne uspel doznati.
Šifra: Kad naš brod krene, krene u lov na žene, do mokri jajec  sedimo mi.

Točka 21.
Umoljavaju se Dobravski poduzetnici da su svoju klapu prime i ponekog tesara. Zidari, molari i limari ne znaju o drveni građi mola na jezeru Šoderica nikaj. Dok limar prepal med sprhnjene deske mola na Šoderici celo društvo mu je komandovalo kaj nek naproji i vu ti halabuki kak da se limar vun sproji. Da su imelji v svojem društvu nekvoga ribiča bi znalji i to ribo kapitalca vrste limar vun poteči.
Šifra: Malar molji, zidar viče a limar vu vodi riče.
 

Točka 22.
Naši so se opčinari hitilji v agrobliznis. Skomandovalji so zemljo potanjurati i posejati i se bi bilo  vredo da je zemlja ni bila tuđa. I se i to bilo vredo da so bar mejošo reklji nek si ne kupuje proha i semenicu, a da bo još vekši vrog, svoje storce so peljalji pokazati da je se v redu z zemljom. Storce je skorom gljuta vudrila dok su vidlji posejanu tuđu zemlju.
Šifra: Sijaj tuđe žanji svoje. 

Točka 23.
Naš najmnogoljudniji šport menja svojega štatuta, uvodi se funkcija Muden precednik. Naime, imaju na ponodi jenoga koji som silom oče biti precednik, on bi dal kaj god očeju, makar majice, trenerke, peneze, svoje ili tuđe, frišku figu, ni važno kaj, glavno kaj bo precednik. Vrobec predlože da se ovaj predlog usvoji pod
šifrom MUDEN. 

Točka 24.
De ima plina ima i nafte. Otkriveno je to na športskim terenima. Kopač zdenca je rekel gazdi da tu nekaj smerdi. Gazda si je mom pregrunta ili je to nogometni črni fond koj se rezpljinil ili je to nalazište nafte, som je išel preveriti situaciju i komaj so ga na pol živoga zvljeklji vun z zdenca. Vropcov sindikat poručuje: Veruj svojemu radniku i naj biti pohalosen
Šifra: Krčma bez štengi 

Točka 25.
Prosiju se mamice koje ideju na godišnji, a ostoje ljuka v garoži nek to sineku poveju ili nek na vrota deneju poruku. Ovak  je sinek deklo dopeljal dimo i direkt z njom v garožo. Sirota si je na štikljice ljuka nateknola, a od duhe je mam kapitoljerala. Zgljeda je ljukova duha bolja i od Viagre.V jutro je bilo se pono zgaženoga ljuka tak kaj se mogel bograč priprovljati.
Šifra: Od ljuka se fuka, a negda se i ljepo dehne. 

Točka 26.
Komunalni redor je donesel odluku da ak vas žena poslije burne noči stušira v centru Dobrave dok ljudi ideju k meši, i ako ste opčinski vječnik, i ako je to za dan opčine povodom promocije monografije sve vam je oproščeno.
Šifra: I naši vječniki imaju imunitet 

Točka 27.
Jena obavijest opčinskih djelatnika: O našim ročnicima lijepo smo brinuli, a to kaj so oni hodalji na služenje civilnog roka s plavim jokom treba pitati njhove prijatelje, a ne opčinare, mi svoje ročnike ne pošiljamo na manevre.
Šifra: Mi smo za mir 

Točka 28.
Da je slava prolazna saznal je naš poznati Dobravski mužikaš. Koštala ga je razvoda braka. Vrobec se pita, da li je zasljužil tak puno penez pok kaj je ni mogel z boljom polojicom podeljiti ili je posredi nekaj čistomce drugoga. Kak tak za peneze, alji je Vrabec doznal da je ve i polojica grunta v pitanju.
Poruka možikašu: Kaj nemre mužika zlječiti, mortik zlječi ljubav!

Točka 29.
V Dobravi se bo osnivala limena glazba i to je dobra vijest za se one poduzetnike koji su već počelji vežbati v Podravski vuljici rano v jutro pod oblokom svoje fijolice. Prosilji bi kapelnika nek toga poduzetnika najempot zeme pod svoje jer ga je ne bilo ljepo čuti kak igra v gitaru i tuče. Vrabec predlaže serenadu
„Pod mojim prozorom pjevaju limari, i pjesmicu mi pjevaju da sam isprošena“ 

Točka 30.
Prosilji bi vlasnika piljane v Dobravi nek dobro prekontroljera dok zakljeplje pilano, kaj nej nutri ostal zaostali pobirač piljenice. Bogec je ostal zaperti i jedva se zmisljil kak da odije dimo. Dobro kaj je negda bil v sljužbi pri Vropcu pak je imel ljefka krila kaj je poljetel prek građe.
Šifra: Ne zovite policajce, to ljeti stari Vrobec 

Točka 31.
Jedan oglas: V donjem kraju je otprta Kiropraktičarska ordinacija koja dela samo za mušterije iz ulice Jorgovana. Za rezultate kiropraktike već morete pitati prvu zadovoljnu mušteriju.
Šifra: U ovoj kući se ne psuje 

Točka 32.
Sosedi z Bukovca su nam javilji da je primečeni špijon na njihovi proslavi 120 godišnjice vatrogastva. Našemu špijono se dopala ceremonija i cela proslava, vezda jedino ima zamjerke na vino koje je bilo tak jako kaj je pri njemu izazvalo reakciju zvanu „bljuvanje“, a kiseljine su bilje tak jake kaj su vatrogasci peska z lopatami hitalji na mjesto reakcije.
Šifra: Precednik

 Točka 33.
Vrabec nalože općinskomu viječu sufinanciranje svečane obljeke naših opčinskih čelnika. Kaj se nabo pak desilo kaj opčinski čelnik dojde pred ljude v kravati s kojom su si pred tjeden dni mužikaši smrklje i znoja z čela brisalji. Jenoga našega selskoga meštra je bilo tak sram kaj je mam općini daruval najbolju kravatu kaj je imel pri hiži.
Šifra: Odijelo čini čovjeka 

Točka 34.
Vrabec je primetil da je v jenem našem športskom društvu prilikom proslave godišnjice došlo do primopredaje prostorije z pijačom i to z sekirami. Prosilji bi ubuduće nek se ključevi rezmenijo mirnim putem, a stari i novi mandatari su viđeni kak treniraju štafetno trčanje samo kaj su v roki umjesto štafete imelji balticu.
Šifra: Najte se sekirati zaradi sporta 

Točka 35.
Ovo ljeto su bilji izbori i svi smo glasalji, nekoji po svoji savjesti a nekoji po tuđi. Vrabec je primetil da su nekoji aktivisti po noči brisalji sneg z čela na plakatima našega mandatora, a se valjda zaradi toga kaj se mandatar nej prehladil.
Šifra: Idemo dalje

Točka 36.
Svi znate da je v Dobravi konjički šport jako razvijen. Ljubitelji ovih plemenitih životinja moraju dobro paziti kak se ponašaju kaj nej napak zišlji prilikom svakodnevnog održavanja. Tak se i naš član Vrapcovoga sindikata oglušil na pravila o hranjenju i njegi životinja i malo nadropal, ali je na kraju se dobro zišlo.
Šifra: Saka kobila konja ne podnoša    

Tužibaba 

Tužibaba u suradnji s općinom je pokrenula istragu kako bi se saznalo što je pisal i što je objavljival istine i neistine u rubliki «Tužibaba». Nakon opsežne istrage i praćenja stranica Interneta došli smo do rezultata i tu pred nami je spisak svih prijavljenih, te bomo javno obznanili imenom, prezimenom, adresom i jmbg-om sve sudionike ove informacijske afere. Ako ste zainteresirani što je to se bil ili ako mislite da ste i vi med njimi dojdite na čitanje Vrapca za ljeto 2007.  v centar Dobrave i se bote čulji. 


OSUDA FAŠENJKA ZA LJETO 2007 

Dragi naš fašenjk! Čul si kakve si se peljde delal i ljude navodil kaj bodo pelde delalji. Ne ti je bilo dosta djelovati lokalno nego si djeloval i globalno. Zdigal si nam ceno nafti, spuščal si nam ceno živini, zdigal si ceo hrani i spuščal si nam ga da se tebi štelo. Pok si poslal toču i sušu, smanjil si nam prihode a povečal si nam rashode. Na našu najjakšu Dobravsku stranku si poslal takovoga betega kaj je nažalost podljegla ranama i preminula. Kriv si kaj su nam nogometaši v obojek ljigi, košarkoši kaj su premalji za vekšu ljigu, krogljošom si dal prežmefke kruglje, fljojsarom si čune ftopljal, ribičom si ljecanjke kral, lovcom si jeljene pretiral i v zatvor je zapiral, slogošom si muške restiral, a vatrogascom si prejokoga škorpača  podlječil, manipuljiral si z izborom ravateljici, zdigel si nam ceno vode, smetje si nam zaprel a kanalizaciju premudno otpiraš. Zaradi sega toga osuđujem te na spaljivanje te bi naše mužikaše prosil za prikladnu melodiju, a gospona Vužgija prosim za jogenj.