Točka 2. Prosilji bi općinske tajnike: bivše i sadašnje nek dobro pazijo dok ideju fušat i kakvo meštriju zemljejo sebom. Jempot se tak desilo kaj je tajnik tajniku išel rušit hrasta ali je ne dobre navuke dobil pak je pilo zacvikal. Dobro kaj su nakon pol dneva iskanja našlji traktora koji je z sajlami  nagnol hrasta tak kaj se hrast mogel do kraja potpiljiti. Navodno su posla pogodili po vuri, pak je tajnik dobru dnevnicu potegel, Vrabec preporuča oprez pri pogođanju dok se drva potpiljavljeju, treba se dogovoriti na nokaut, a ne na vuru. 

Točka 3. HPT bi prosil se one koji su strahu da bodo poštarice vidlje komo pošiljaju preporučene pošiljke, nek napišeju atresu na pismu jer je poštarica ne vidovita kaj bi znala što komu kaj pošilja, ali prema cjenjeni mušteriji je poštarica vudrila štambilja na pismo adresa nepoznata primatelj poznat. 

Točka 4. Ako ste v zadnje vreme primetilji da je v Dobravi se več Talijani, to je znak da su i talijanski mafijaši čulji da je v Dobravi se več mafije pak su došlji na doškolovanje. Na internetu su prečitalji da tu deluje i nogometaška i ribička i košarkaška mafija, a dok su čulji za šodranu mafiju unda su to moralji dojti i gljet jer im je to nekaj novoga. 

Točka 5. Ovo ljeto je Vrabec čul da su naši lovci ne uspelji iskoristiti kvotu za odstrijel jeljeni, navodno im je jen jeljen pobegel. Moglji su streljiti dva jeljene ali su samo jenoga našlji. Vrabec se čudi da od tuljko lovačkih društvi i njuvih frakciji koje delujejo v Dobravi ništo ne uspel najti jeljena. Razloga za tugu nega jer je navodno kvota popunjena odstrelom od strane susednih lovačkih društvi koje imaju boljega njuha. 

Točka 6. Ovo ljeto je sejatva bila kak rođena za nevaljaše, moglo se sejati tijam do šestoga meseca i kuruza  je sejeno na vreme vun zišla. Ali su primečeni jeni sejači kojima je ne volja niti napolje oditi, nego to obavljaju po Dobravi, točnije po Zagrebački vuljici i to po asfaltu i direktno z prikoljice koju prehitiju na vuljici.  Najte ljudi misljiti kaj bi i vi moglji tak drugo ljeto sejati, em samo jenima na asfaltu zroste, dok drugi moraju napolje iti sejat. 

Točka 7. Dobrava prati modne trendove, tak je dobila i odbojku na pesku na Krbulji. Si so bili veseli čak i sosedi – ali ne za dogo. Kola se moraju podmazati kaj bi bolja peljala, tak su i naše športašice moralje svoja tela nahraniti, a stradalje su susedove jagode, črešnje i ostala bio hrana. Apeljiramo na općino da bi bilo dobro kre igrališta posaditi jenoga verčačeca, pok one športašice koje su na klupi za rezerve moreju pripremati okrepu za one koje igraju. 

Točka 8. Prosilji bi se Dobravske dame koje šečeju  peseke, nek ih dobro imaju na brigi i lancu, kaj im šinteri nej zarobilji njihove kučne ljubimce, jer za to je tajnik na opčini ne nikaj kriv, a pohvala damama jer su imelje vupača pak su odišlje po peseka v šinteraj. Eto, Lesi se vrnul kući. 

Točka 9. Vrabec bi apeljiral na nogometni klub nek uvede karantenu, jer je primečeno da nekoji nogometaši jeno noč prije utakmice tereju tuđe ograde i to od klupskoga orožara tzv. Vujčija te mu remete mir pred utakmicu. Za ve je čez Vujčijev grunt prečec samo za pešake, a ne za automobile. 

Točka 10. Da smetje ima raznorazne pote znamo svi, tak je to saznal i jen muž koji je fljetno bežal po kantu dok mu je žena došla z Dojčlanda, a jen je svoje smetje štel voziti v zetov kontejner jer je misljil da smetje mora iti tam kam je i dete odišlo. Smetje ide po oni stari – tuđe nećemo svoje nemamo! 

Točka 11. Za jenoga sedoga lovca pripovedajo da se preobratil v ljubitelje prirode, jer je na organiziranem lovo z čeke samo gljedel divlje svinje i niti jempot je streljal. Navodno so mu bile ljepe i milje, a drugi lovci veljijo da je navodno zaspal z puškom v ruki pak je ne nikaj streljil. Prosimo lovce nek se malo curiknejo i malo mlajše denejo na čeko jer nam divlje svinje puno kvara delajo, spati je moči i pred televizorom.    

Točka 12. Lopovi su v naši Dobravi ne samo spretni nego imaju i potpune informacije. Tak su i za najvekše svetke lopovi delali, ali ne bilo de – samo tam de je gazda najavil da bi jedini v Dobravi i za svetke v štacunu delal, dok drugi štacunari imaju inventuru pak su zaprti. Inventura je morala  biti štel to gazda ili ne…Šifra: Nema džabe kod našeg dragog...znate de 

Točka 13. Naš komunalni redar je imel prošlo ljeto puno posla, posebno na Krbulji gde su se trgali stupeki za zabranu prometa i betonski cvetnjaki se selili. Tak su jeni muži rajši zdigalji betonske cvetnjake, nek da su v rikverc vozilji, pak se pitamo jel to škoda fabija nema rikverca ili je v Dobravi treba otprti dvoranu za bildanje? 

Točka 14. Umoljavaju se štacunari koji tržijo robo i imaju zastupništvo za veljke ferme nek dobro pazijo kaj prodavljejo kaj nej prodalji rabljeno pod novo robo, jer se desilo kaj su se pisalje pisma isprike, a skorom se i ugovor raskinul. Šifra: teljekom  

Točka 15. Članovi jednog šporckog društva su probalji skupljati članarino z gitarom i popevanjem, ali su ne nikaj skutilji. Ne zna se ej je kriva gitara ili pesma, ali Vrabec preporuča da se z pesmom samo Križec ide pobirat, a članarina za klubove z kaljendarima i z dobrom reči. 

Točka 16. Isto tak bi prosilji se one koji pobiraju članarino a na den nemrejo prejti več od dve hiže, nek počnejo poslije Margaljete iti od hiže do hiže, tak kaj do novoga ljeta se zbaviju. 

Točka 17. Prosilji bi nadobudne bake koje su zabilje kak se deca delajo nek ostajijo na miru  se mlade bračne parove dok se venodjaju,  kaj bi nam nataljitet malo zrasel. Ako se očeju educirati potem pitanju i videti kak to zgljeda,  nek si speljaju digitalnu sateljitsku pak bodo unda vidlji kaj su to nočne sapunice. 

Točka 18. Žitelji jene malje vuljice bljizo centra so fest ekološki osvešteni tak kaj konte za smetje pred hiže već v pondeljek zvečer rivljeju, a v tork je cela vuljica v paniki de so smetlori, makar smetlori tek v sredo redovito dojdejo. ŠIFRA: Nega straha za Grabengasestrase. 

Točka 19. Vrabec bi prosil se one koji idejo hranit labode, nek šrota i kuruzu odnesejo i vu vodo labodima hitiju. Jemput se tak desilo kaj je jen ljubitelj prirode v prvi grm se hitil i odišel v kazališnu kavanu. Ve neznamo ej ga je fest stisnulo, ili je bil fest žeđen, ili se zbesil ftičje gripe. Apeliramo na humanost na djelu.  

Točka 20. Ako se kampera na Otoku ljubavi, i ako se malo preveč poje i spije, unda treba paziti kak i kam se skače na glavu, jer vodostaj varera. Tak se desilo jenomo našemo skakočo na glavo kaj je dimo odnesel pol kubika šodra na glavi jer je ne pazil kak je voda glaboka, a ljefko bi ga i šudrena mafija prijela zbog odvoza šudra. 

Točka 21. Prosilji bi naše inštrukture v šoferski školji kaj predi stirajo okolji poljigona goske. Jena kandidatkinja je zgozila gosoka, a unda ga nesla dotičnom gazdi. Gazda je ne bil jako hudi je je dobro kaj je guska zgazila gosoka, jer ne znamo kak bi zišlo da je gosok zgazil gusku. Šifra: Dinastija 

Točka 22. V Dobravi ima jen penzić koj ima takvoga kaj more poscati cirkvenog turnja i to čak dvopot. Neje to za pofoljiti jer je to maketa turnja drvene cirkve na hodniko pri Zolano  koji hodajo naši nedjeljni kartaši.  

Točka 23.  Jen pernati je štel dobro stržiti goske i otpeljal njis je v naselje jer so za saki odlazak z naselja imelji gosko z mljinci. No kak veljki biznismen  je mam za se familjije po jeno gosko ostajil kaj na imel prevozne stroške alji se ne pogodil za ceno, a dok so prvi došlji pločat, cena je bila jako nepovoljna. I tak je bilo Martin v Zagreb, Martin z gosko z Zagreba nazaj. 

Točka 24. Naši lovci dok idu na čeku se zapisujeju v bilježnici, tak kaj se nej negdi zišli pa mesto v srnu streljali v pajdoša. Posebna bilježnica je za one koji idejo jeljene zvat, a zapisuvljeju se na šanku dotične ustanove v koji se lov održavlje. 

Točka 25. Moglo bi se reči da v Dobravi imamo Romea i Julijo. Tak se desilo kaj je naš Romeo Juljiji došel pod oblok popevat malo pripit i pod jutro, no s puno volje i malo sluha. Tak je bogec dogo popeval dok mu se budući test ne zbudil i rekel mu da nema sljuha, da je preglasen, da ga je zbudil i da ve nemre spati. Romeo se unda rasrdil, sel si je v auto, a mesto kaj bi deklji (budući grljici) dol puso on je puso stisnol testovomo štosdemfero za dobro jutro, a za ljefko noć je njegof štosdemfer  otpal.  ŠIFRA : JUGO 45 bez štosdemfera         

Točka 26. Da smo mi Dobravčani v semo jako nadareni to dobro znomo, alji da imamo ginesovoga rekordera,  koj more za 15 sekundi spiti ljiternog bezgovoga soka to pok je svet ne čul. To se dogodilo dok je bil pri pajdošo v posjeti. Vrobec bi prosil toga rekordera kaj to čim prije pak ponovi jer dok se unda vračal ot pajdoša dimo mu se tak ljepo po bezgo spuhovalo kaj so ljudi misljili da je protuljetje, a ne zima. Znamo da imamo uljico jorgovana, a ve smo dobilji i bezgovo vuljico. Šifra: Eko Eko krava pije mljeko 

Točka 27. Poljek tuljko športcki udrugi na pomolu je ganc nova udruga,a to bo ŽBK. Ženski boksački klub. Ideja je nastala pri okršaju dvejo deklji pero lake kategorije na som doček novoga ljeta. Jena se dekla borila za svojega bifšega dečka (i on je pero ljefke kategorije) koj je kušnul ovo drugo deklo. Bil je to čisti nokaut i prekid borbe f prvi rundi. Fola bogu ništo je ne preveč strodal, osim kaj so si z gemišti bilji poljejoni. Promatroči bormeš imajo veljkoga rešpekta proti te deklji jer v nje vide veljkoga potencijola i mogućnost veljke boks karijere. ŠIFRA Losi si je rudala 

Točka 28. A bormeš ŽBK bi mogel fljetno predelati jer so pojedine članice jene ženske šporcke udruge, nezadovoljne svojim igranjem športa z loptom na svojim treningima počelje boks udarce uvežbovati. Dobro njim je genulo, posljedice so bilje vidljive po črnimi jokima i ftrgnjenim ekstremitetima tak kaj je bila ekipa upitna za natjecanje  z loptom. Nezadovoljne članice bi moglje ve za kaznu preštihati verčačeca kre igrališta za odbojku na pesku iz Točke 7. 

Točka 29.Prosilji bi ugostiteljsku radnju koja peče pice nek se malo požori dok nekoji dečki čakaju na naruđbu za vun, jer se jemput desilo kaj si je bogec malo več spil,  dok je dogo čakal, tak kaj je z becikljinom v jeni i z picom v drugi komaj pota za dimo našel. Becikljina je smik vljekel i boril se z picom, ali je podljegel sto metri pred domom, pica je i ve tam, osim ako ju je ne nešto zel. Šifra: Dostava u kuću 

Točka 30. Prosilji bi mlode dečke kaj pripoze kaj bodo jelji pod jutro, jer se na jeni fešti na Beveri Hilsu desilo kaj so se dečki pod jutro vrnulji nazaj na fešto za prijatelja koj je diplomiral pok so se čudilji zakaj je gulješ retkeši, i zakaj je nazaj kotel pun? Šifra: Montažne hiže ne prepuščajo dežđa alji  nepokriti kotlji prepuščaju.  

Točka 31. Ugljedni poduzetnik ovim putem zafaljuje ženama koje su išlje od zornice i koje su mu pomoglje kaj se stane dok je posrnul v škarpu i zaspal. Šifra: De je moj škerljak 

Točka 32.Prosilji bi se privremene žitelje z varaždinske županije nek ne polemiziraju z ženami z međimurske županije. Zabadaf vam je ako si ženo v takvi situaciji z auta vun stirate jer se ona na premenila niti ji to na kaštiga ak z Orehovice pešice dimo dojde. Šifra: Autoprijevoz Krsni kum 

Točka 33. Si mediji so nas izvestilji da  kombinacija mentos cukuri i kokakolje lajt stvorja eksplozivno kombinacijo i ak čovek to spije more hmrti. V Dobravi je naš prvi čovek zmisljil falješo kombinacijo i neje tak po zdrovlje huda. Ak se kortate i ako zgubite morate spiti gemišta z delancom i toplom vodom. Dok ta smesa vu veljki količini ljeti vun z vašega gopca, sposobna je pofuriti i trsije i vočke, a niti trava več tam ne raste. Jeni gosti z negovorečega hrvatskog područja bi tomo reklji „krop freč“. 

Točka 34. Isto tak jeni člani poznote muzičke bonde prose svojo eminetno pevačko zvezdo kaj prije probe nabo pil revolucionarnoga čaja «jahoči na sonco», makar je čaj dober za zdrovlje, alji koljege mužikoši morajo trpeti deluvanje čaja i fest frčo z nosi. ŠIFRA Ona je veljka a mola zgljedi…a za se one koji ne znaju… i prdi dalje dragi naš…. 

Točka 35. Precednik jene naše udruge je imel puno smetja pak je dal svojemu djelatniku nek ga otpelja na deponij, ali je djelatnik v silji smetje hitil v Kotoripski šumi, samo je zabil da na čekima i papirima pišeju imena, tak kaj su čeki za naplatu i to malo vekši došlji na pravu atresu. Još jemput apeljiramo oprez sa smečem, jer več sako dete zna kam se smeče meče. ŠIFRA Ima jedna duga cesta 

Točka  36.  V Dobravi je došlo do incijative kaj se osnuje još jeno šporcko društvo i to atljetsko. No to ne bi bilo kak negdašnji dobrafski atljetsko gimnastički klub «Partizan»,  več bi se vežbalo i nastupalo individualno, nikak timski, vrobec bi rekel SAKI SOM. Tu bi nastupalji svi dobravski športaši koji se očeju dokazati a igraju u grupnim sportovima. ŠIFRA Se sem njis rasturil…  

Točka 37.Vrabec je primetil da naši dečki pazijo v stranjskem svetu sakojačke ustanove, a došlo je do potrebe za zaštitare i v našim ustanovama. Primečeno je da nekoji Dobravčani bez putovnice ideju v krčmu z altomatom i pri tom mekuvljeju profesore z njuve katedre, a druge posjetitelje narendaju po celji vuljici za sako drevo i bandero jenoga. Ako se tak nastavi, došli bodo zaštitari i v krčme. 

Točka 38.  Vrabec je videl kaj si stari dečki kupuju grunte pak ih onda tak sređuju kaj ljudi misliju da se v Dobravi dela novo groblje. Ljudi hodaju na Općinu grobe kupuvat, a opčinari pojma nemaju. Neje ljepo kaj za novo groblje Općina pojma nema. 

Točka 39. Da jega trgovačkih centri koji imaju štacune po celji Hrvatski to ste več čulji, alji da je v Dobravi jen štacun v koj hodaju kupci z Karlovca, Sesveti, Zagrebačke Dubrave, Ljudbrega, Koprivnice, Čakovca  to ve znate. Dok sam sebi pišeš pohvale na internetu moreš dalko dotirati. Šifra: we.we.we.dobrarglas.hr

Točka 40. Molimo ljubitelje kosmatih konobarici nek izbjegavaju fizičke obračune z njihovim prerano puščenim mužima, jer svaka guma nosa i glavu ne čuva. 

Točka 41. Konačno i Dobrava ide v knjigo rekordi jer zgubiti osobnu iskaznicu od renderorsaga na Ljetini do našega policajca na Goričanu je stvarno rekord. Ne znamo de se treba javiti i na čije ime zapisati, da li bo to na Dobravu ili Veterane NK, ili bo na Bata Bači i Ivan Bači. 

Točka 42. Da je vreme za ženidbo skužil je i naš stari dečko molar z dolnjega kraja, jer im je za kupnju rabljene kožnate jakne treba ženska pomoč kaj si nej zebralji na ženskem odjelu žensku jaknu. Sestri bi odljehnulu i dobro bi došla još jena ženska roka pri hiži. 

Točka 43. I na kraju, Vrabec je besplatni, čitanje i slušanje ne naplačujemo, v škrebljicu kre prošča slobono denete i eure, a renomerane glumice i režiserke molimo da humanitarne predstave ne naplačuju 700 kuna jer nekoji  rado glume i za par klobosi i liter vina.      

Osuda fašenjka za 2006. ljeto

Dragi naš fašenjk!
Čul si kakve si se pelde delal celo ljeto, a nekoje bomo ovder još prečitalji pod nekoliko točki optužnice. Dragi naš črni fašenk, fašenski odbor dogo je zasedal kak bi te kaštigoval ovo ljeto za se huncvutarije kaj si naprajil. Puntal si nam vreme, v ljeti nam ne daš sonce, a v zimi nam ne daš snega, političare nam bantuvlješ i v bolnicu pošiljaš,  drugima vure debelje dovlješ, nogometaše nam hičeš vun z sveckoga prvenstva, rokometaše z evropskoga a Janici ne daš niti skije v roke. V Dobravi nam raseljavaš pučanstvo z one strane Drave, nogometašom narivovlješ 9 komadi v centru Vidovca, a lovcom si na Margaljetsko zabavu potrošače i plesače restiral. Smetišče si nam zaprel i kante narinul, a fnogima je penez zginul. Ako se slože ovaj časni skup mi bi predložili kaj bi našega fašenjka vužgalji, pak se morti do drugoga ljeta popraji. Prosil bi za adekvatnu mužiku i idemo z jognjom na njega!