|
Potražite nas na interaktivnoj mapi!
|
|
|
|
| VRABEC ZA LJETO 2010. A ČITA SE V LJETI 2011. |
|
6.3.2011.
Fašenjski odbor je na svojem redovitem zasjedanju malo pretepel dobravske probljeme koji su se na tekočem pripetilji i donesel je odluku da jih na of način obznani. No, predi nek bi počelji prezivati, štel bi vuto ime pozdraviti se vas slušatelje i slušateljice, oženjene i neoženjene, radnike i one druge, komedijaše i lakrdijaše, kartaše i fliperaše, a posebno muzikante i zafrkante, vatrogasce i grlogasce, lovce i krivolovce, kuglaše, nogometaše i košarkaše, skijaše i kajakaše, stipendiste i bandiste, dimnjičare i električare, mesare i zidare, malare i grobare, pekare i štacunare, traktoriste i becikljiste, pumpače i gumače, veterinare i vinogradare, kuhare i konobare, krčmare i podrumare, šnajdere i šujstre, veslače i trubače, glasoče i navijoče, precednike, tajnike i blagajnike i se one druge koje bomo ovdi spomenulji vu njihovim zgodama i nezgodama, komedijama i tragedijama, svinjarijama i huncvutarijama, zafrkancijama i zajebancijama.
Ako se što nutri i prepozna nek mam z nosom ne zavija jer je to jena istinita fašenjska huncvutarija.
Vrabec se na pesku piše, puhne veter pak ga zbriše…
Točka 1.
Svi znamo da v zadnje vreme branitelji održavaju mirne prosvjede, ali da su prosvjedi počelji v Dobravi to sigurno ne znate. Jen naš branitelj z viškom energije je izgljeda odlučil prosvjedovati ispred općine pak je z traktorom pregazil tajnikovog becikljina. Nije nam poznato da li je to napravljeno zbog toga jer je becikljin bil krivo parkirani ili pak je tajnik naprajil barikade kak bi zaštitil našu općinu.
Šifra: Bolje je graha v kotlu paziti nego becikljine s traktorom gaziti
Točka 2.
Da je Dobrava tradicionalno mjesto obrta i poduzetništva vrabec to odgovorno potvrđuje. Evo v prošlem ljetu je v Dobravi otprti novi obrt sa radnim mjestom „SPUMPAVAČ ČONOV“. I to se pokazalo vrlo korisno jer čon jednog našeg „polgarmeštra“ se stalno ftaplja pak je i obrt registriran, a cena je 300 kuna za spumpavanje po čono.
Šifra – ak ne uspete v politiki - spumpavajte čone.
Točka 3.
Kaj se Dobravskih čoni tiče trebali bi još jednu obrtnicu pod nazivom „Ronilac spasitelj – specijalnost akumulatori“. Vrabec ne zna elj bi to prešlo jer več nemamo glavnog obrtnika v Zagrebu ali je zahtjev odišel. Ne sme nam se desiti da interventne snage za spašavanje čonov nemreju iz vode zeti akumulatora koji je v Dravu opal pri nesmotrenom ispumpavanju. Skreće se pažnja vlasniku čamca da se obrati na obrt iz točke 2. kaj se ne bi desilo da se Drava zagađuje s kiselinom iz akumulatora, a ne kaj se angažira vlasnik pregaženog becikljina jer se penezi za becikljin moreju zasljužiti i na drugi način.
Točka 4.
Dok smo pri becikljini šteli bi upozoriti na slabu rasvjetu na Beveri Hilsu, jer se desilo da dva becikljisti v ponem gasu ali v suprotnem smjeru v uvjetima slabe vidljivosti i slabog opreza doživijo takovo havariju kaj je becikljin mešter imel celji tjeden posla na obnovi becikljinov. Vrabec je čul da je to navodno bila sabotaža s ciljem da se smjeni načelnik a jeni veljijo da to odgovara serviseru becikljini koji je z toga kraja pak tak dobivlje več posla.
Šifra: Osvetlimo park kaj nebi ostalji bez načelnika
Točka 5.
Primečeno je da je v Dobravi došlo do porasta gladnih pak se umoljavaju općinski joci kaj bi osnovali još jenu udrugu koga bi se zvala „Jako gladni“. Tak bi se ozakonilje njihove aktivnosti i članovi bi izašli iz ilegale. Da su počeli s akcijama to smo svi svjedoki jer se smanjil kokošji fond a nekima su nestalji i pršuti s terase.Za ve se ne zna da li članovi udruge skupljaju hranu za gladne iz trečeg sveta ili za gladne na Haitiju. Vrbec bi preporučil svim mještanima da uzgajaju črne kokoši jer su one slabo vidljive po noči dok traju takve humanitarne akcije.
Zaintereserani nek se jave Kukijo i teti Gizi
Točka 6.
Udruga za dobrobit životinja Dobravskog okruga „Beveri hilsa“ traži da se njihove kokice zaštite od četveronožnog terminatora iz istog kvarta. Još se kokošji fond ne oporavil od humanitarnih akciji udruge „Jako gladni“ i njihovih dvonožnih terminatora koji su poharali kokice po celi Dobravi kad evo novog četveronožnog vraga.
Šifra – na lanec pesa ili gazdu.
Točka 7.
Ve dok smo pri pesima primečeno je da je jen naš mesar i kobasičar tak zvežbal pesa kaj mu of nosi dimo race i to domače. Ve ne znamo da li je to lovačka vežba ili je mesar našel novoga recepta za domaći jeger v koji ide meso od sosedovih raci.
Šifra – i ovoga pesa na lanec kaj nej gazda bil v lancima.
Točka 8.
Svedoki smo sakojačkih havariji koje su se desile v Dobravi ali v jeni je jen naš vrli obrtnik skorom ostal bez glave. Vrabec je primetil da je štel žrtvovati svojega života za spas gorečega auta i odbijal je svaku pomoć od strane savjesnih građana. Ve smo ne sigurni ej je stvarno ne štel iti vun z auta ili mu se mortik kaput zadel za ručnu kočnicu, ali apeliramo na oprez.
Šifra: Her Flick from Gestapo
Točka 9.
Da su naše krčme postalje opasne ustanove do ve smo znalji, ali da je odlazak dimo još opasneši to smo ne znalji. Upozoravaju se svi oni koji ideju dimo iz krčme bez štengi nek dobro paziju na koju stranu moraju zarižiti kaj se nej desilo da fuljaju spust i z glavom prizemljijo na asfalt. Za prelazno razdoblje dok se ne napraji ljift gazda krčme bi na odlasku mogel deljiti šljeme kaj bi se spriječile nezgode.
Šifra: Šljem glavu čuva
Točka 10.
Vrabec bi prosil naše dobravske prosvjetne djelatnike i to one koji su pod statusom „single“, nek izađeju iz ilegale i nek se slobodno pariju. Benzin je skopi i bez veze delati kruge po vuljicama i zametati tragove se ne splača jer su svi vuličanci dalji blagoslov za slobodno druženje.
Šifra: Fala bogu i to smo dočakalji
Točka 11.
Vrabec je uhapsil dva fajn dečke dok su bilji samo v donjem vešu i to mu je mam smerdelo na gay aferu. Navodno su si samo menjalji haljinje jer su štelji zavarati tragove krvi od jene deklje koja je dobila po nosu od jenoga od njih. Ve ne znamo ej je zločin otkriven ali da je nazaj počela sezona goljih muških i gay aferi to smo sigurni.
Šifra: Tko se tuče taj se voli.
Točka 12.
Vrabec bi upozoril našeg oberpolitičara da se vremena mijenjaju i da treba obnoviti tj. Apdejtati fotografije koje ima još iz devedesetih na kojima je z poznatim političarima v zagrljaju. Primečeno je da je večina od tih političari v čuzi ili im je USKOK za vratom. Vrabec je čul da se niti policajci več nemreju z tema fotkama v strah natirati pak preporučamo obnovu i fotograferanje z novom garniturom.
Šifra: Ne zna se!
Točka 13.
V Dobravu je došla i nova politička moda pak je ustanovljena Republika Dobrava, Autonomna pokrajina Prekop koja ima svoju novu djelatnost za uvoz i izvoz. Izgljeda se dobro poslušaju reči naše premijerke ali se znapak sprovode. Primečeno je da je tesarsko-policijska koalicija počela sa uzgojem stoke sitnog zuba pak je to idealna djelatnost za osposobljavanje radne snage koja nedostaje v Hrvatskoj, a to su čobani.
Šifra: Z Prekopa v Evropu !
Točka 14.
Da ovi naši mlade nemaju nikakvog obzira prema starima znamo, ali da policajci nemaju obzira prema našem oberpolitičaru to smo vidlji dok su ga prijelji bez važečeg tehničkog pregleda za auto. Policajci su bilji tak bezobrazni kaj su mu zelji tabljice i pešice su ga poslalji dimo, a dok je došel z drugim autom v policijsku stanicu „srediti“ nastalu situaciju unda su mu dalji i puhati i ostajlji su ga na trežnjenju. Takvo ponašanje od naše policije naš oberpolitičar nije zasljužil.
Šifra: Znalo se, a ve se već skorom nikaj ne zna
Točka 15.
Vrabec je primetil da naši tamburaši slabo duraju, puno sviraju a malo kaseraju. Apeliramo na sve one koji su si naručili mužiku, a nakon dobivene usluge su ne platili nek podmire svoje obaveze kaj bi naši štrunkači imelji od čega živeti. U obzir dolaze i kompenzacije
Šifra: Gradski joci
Točka 16.
Već ste čulji da ljubav nema granice, ali su i jeni vuljičanci vidlji da uz to ide i poslovica da ljudska glupost isto tak nema granice jer je jen dečko v trenutku žarke ljubavi dok se z svojom odabranicom venodjal v autu vužgal doga svetla nailazečemu vuljičancu pak je of završil v kanalizacijski grabi i to vu vuljici grabengasestrase. Apeliramo na oprez i na pozicijska svetla.
Šifra: Ne bljendaj
Točka 17.
Dok smo pri ljubavi malo bi se osvrnulji i na ljubomoru. Navodno je jen mladi mož jako ljubomoren jer je prilikom službenoga puta pobral ženi ključe od stana i auta tak kaj nej bogica sljučajno zgrešila i napustila ljubavno gnezdo. Vrabec preporuča dva meterno betonsko ogradu z željeznima vrotima kakti za sigurnost ili apeliramo na malo već poverenja i slobode u braku.
Šifra: Sve za bebe
Točka 18.
Vrabec je primetil da je v Dobravi otprti jako dober servis za aute i za žene koje aute dopeljajo na servis takozvani auto welnes. Na reklami piše da dok čekate kaj se napraji generalka na vašem limenom ljubimcu, vaše telo more uživati v masaži i venodjanju i nakon toga ste vi i vaš ljubimac kak novi.
Šifra: Ulica jorgovana
Točka 19.
Svaki pravi muškarac najbolje cijeni svojega auta a unda na red dojde žena. Tak je jen naš dečko prilikom proslave kupnje novoga auta od sreče jako zaružil i podljegel je ajnkoholu. Sreča je bila kaj je konobarica vidla da novi auto ima autopilota i dečka je posela na suvozačevo mesti pak je dečko srečno došel dimo. Vrabec bi prosil konobarico kaj bi pokazala gomba koji uključuje autopilota jer dečko već celji tjeden nemre nojti de se uključuje autopilot.
Šifra: Nova Škoda ravnog poda
Točka 20.
Vrabec je primetil da je v donjem kraju došlo do potrebe za novim prostornim planom jer je manjak parkirališnih mesti. Prvo su vuljičanci misljili da se otprl novi robni centar pak su kupci navaljili na njihovo vuljicu, ali su unda vidlji da je u pitanju zanimanje za strane jezike i prijateljstvo između naroda. Jen sused je išel tak dalko kaj je zrušil škednja kaj bi obezbjedil park plac. Čeka se odluka gradskih joci o osnivanju parkirne zone a moglo bi se i zaposliti čuvare parkinga.
Šifra: Sljepa vuljica
Točka 21.
Vrabec je v ljeti dalko moral ljeteti jer je bil gost v Makedoniji pri svojim prijateljima i tam je videl da su naši slogaši bilji jako vredni. Program je bil napeti, ljepo se pljesalo, tamburalo i popevalo, a vrabec je primetil i jenoga đentlemena dečka koji je svima pomagal nositi kufre i torbe. Vabec bi apeljiral kaj si drugi pot zeme svoje stvari v ruksaku kaj bu imel slobodne roke roke za tuđe kufre kaj se nej desilo da svojega kufra ostaji v Makedoniji.
Šifra: Meine kofer ist wek.
Točka 22.
Jeno društvo mora dobiti posebno priznanje fašenskog odbora za najmasovniji skup koji je održal v Dobravi a to so naši fljojsari koji su uspelji okupiti i staro i mlado i pokrenuti se one koji su ne bilji dogo na Dravi. Vrabec je ostal bez zraka dok je ljetel za čonima koji su se spuščalji po Dravi i svaka čast dečkima na brzini.Samo je vrabec be seznal ej su čoni došlji prebrzo ili se grah kuhal preveč pomalji. Apeliramo na brzino kak pri jelo tak i pri delo.
Šifra: Šodra vozim šodra bode, graha kuham grah sfaljuje
Točka 23
Ak ste još dečko v formi, dobro sljužite i šporate, najte to naglas povedati v jeni dobravski krčmi kaj Vas nej konobarica imela na joki i piku. Jeno noč ji je fejst došlA volja i bilo ji je sila, no , ne kaj mislite nek jo je fejst fkanil aparat za veljke i molje korte , pok je se takve dečke po redo zvola i budila kaj ji peneze posode kaj so v ljuft otpuhnulji.
Šifra: Vjeruj prijatelju a ne šnjapskišti
Točka 24.
Nova turistička agencija je ponudila jeno novost v ponudi kaj doprinese dobravskomo turizmo. V ponudi so razljičiti lokaliteti i turističko smeštajne jedinice za ljubaf, istospolno ilji ovo obično muško žensko. Osim kaj dobite diskrecijo dobite i zgovora za bračnoga partnera, pronje blatnoga auta itd.
Šifra: Otpri obloka
Točka 25.
Prosilji bi eminentne žiceprebirače ak ido igrat v europsko unijo kaj morajo poštivati procedure i morajo imeti dokumenta kam i kaj ido. Dobro kaj so se zvljeklji na zgovor da ido v katoljičko misijo k župniko – tak je ve to ispal presedan v cirkvi i naš oženjeni pripadnik dobravske Dinastije v dijaspori postal župnik po kratkom postupku.
Šifra: nek vam Bog pomore
Točka 26.
Naš eminentni kolorpoter ilji ti kaj po hižama novine raznaša, dobil je upozorenje evropske komisije za diskriminacijo, jer po novem neće donašati novine osobama istospolne orjentacije.
Šifra: šef protokola
Točka 27.
Prosilji bi eminentnoga poduzetnika kaj na izazival ekološke incidente v gospodarski zoni susjednih općina. Ak tu ne plača račune i nečejo mo ekološko nečistočo odvožati, nek bor račune skrije z vreći kaj komunalni redor na izigraval forenzičare
Šifra – ci es aj posranec
Točka 28.
Prosilji bi naše pripadnike Dinastije da ne kopiraju običaje picokijade z Đurđevca.
Ak vam trop jako vri a na poklopco je pevec pazite kak ga otpirate jer bo sosed mislji da pevci z neba curijo i da je nekva prirodna katastrofa.
Šifra – rakija glavu čuva alji pevca ne
Točka 29.
Fašenski odbor predlože opčinorima kaj se primejo modernoga posla kak i v celji Hrvacki , a to je preimenovanje vuljici. Bilo bi ljepo da se vulkjica opčinskoga precednika i znamenitoga grackoga joca preimenuje v ime FILJEN RUPEN TRESEN DUPEN
Šifra: kapute menjamo alji ime nigdor!
Točka 30.
Dobrava je dobila novoga poduzetnika: VIKEND MERNIKA. Dečok je tak vreden kaj jeno soboto zmeri tri roole zemlje z autem. Postal je i izvoznik: specijalnost mo je Ljegrad i okoljica
Šifra: bela lađa
Točka 31.
Prosimo vikend mernika z prošlje točke da svoje prijatelje ne izvodi u ugostiteljski objekt de osoblje ističe erotsko rublje, jer dok se drugaro ne diže, diže mo se tlak, a to more biti jako opasno...
Šifra: Samo za one kojima ne treba vijagra
Točka 32.
Po novinaj za naše labdoritače čitamo kojekaj, alji javna je tajna da je došlo do dvejo frakciji, a to so parni i neparni. Vrobec je naprajil istrago i doznal da so parni oni kaj se goste do stanja pod parom, a neparni oni koji nesmejo piti.
Šifra: Žena je vu pravo i makar je i ne....
Osuda fašenka za ljeto 2010.
Dragi naš fašenk, čul si za hamaljije koje su se desilje v prošljem ljeti i fašenski odbor je mišljenja da si ti za se kriv kaj si ljude puntal na takve stvari i kaj si takve nevolje priredil. Nisi se samo zadovoljil kaj si Dobravčane puntal i na greh natiraval nego si prešel i na više instance pak si odišel se do naše vlade. Nekoje si natiral na takve grehe kaj su ve smešteni po sakojačkim zatvorima po naši zemlji a i šire. Ljudima si pelde delal a posebno si našima zemljoradnikima slabo vreme pošiljal, poplave i voderljuge si tuljko prošlo ljeto poslal kaj smo se skorom si zaljejali. Čone si nam ftopljal, na grobijo si nam spomenke fkral i ljetino si nam poškomač bral. Gradskim jocima si v kalendaru dneve zmel pak si nas v jenem dnevu na tri manifestacije pošiljal, a v selji si slabo radna mesta otpiral. Omladino si nam z umetnim vinom napojil a kravam si slabo mljeko dojil.
Zaradu sega toga fašenski odbor te osuđuje na kaznu spaljivanja i prosim adekvatnu mužiku i nek se osuda izvrši!
...
|
|
|
|
|
|
|
Nedjelja
13.10.2013.
7.30 za + Čižmešija Ceciliju god., Tomu i + rod. 10.30 ŽUPNA
|
|
|
|
|
|
