Točka 3. Prosilji bi se one koji očeju čestitati čestitaru pedesetgodišnjaku z mužikom, a ne platiju ju nopri nek se dobro dogovorijo jer kaj nej zišlo kaj i drugi gosti i poslovni partneri moraju v škerljak hitati peneze
Šifra: Črne strelje 

Točka 4. Prosilji bi našega načelnika nek se malo dogovori sam z sebom dok dogovorija poglavarstvo kaj nabo sazival poglavarstvo a ne zna da nemre dojti te den. Dok su se poglavari sastalji načelnik je nazval i odgodil poglavarstvo jer se zmisljil da nemre dojti, jeni veljijo da se zbesil kaj poglavari nej zglasalji izgradnju turističkog naselja Orešec, a drugi veljijo da je podljegel. 
Šifra: Erent 

Točka 5. Prosilji bi se one koji dogovorijajo spojake prek interneta, i prilikom razmjene fotografije nek dobro pogljedaju sliko i priliko osobe koja bo došla na rendes kaj se nej pojavila ženska koja bi voljenoj osobi mogla biti mama, a skorom i baka. 
Šifra: Godine nisu važne  

Točka 6. Prosilji bi se vlasnike poljoprivrednih strojeva i prometala a posebno poduzetnika Silos boya nek dobro pazi kak je pridregel prikoljico z umetnim prohom, kaj se nej desilo da umet završi v kanalu z vodom jer su nekoji ekologi misljili da je Silos boy odišel hranit ribe, a Kotoripčani su misljili da umet po Bistrecu plova pak su i oni došlji s prikoljicama nametat umeta z vode vun. 
Šifra: Kalkamon 

Točka 7. Vrabec bi prosil naše kulturne amatere tj. kazališnu nakupinu nek se dobro dogovorijo z društvom koje posuđuje crveni kombi kaj nej moralji v zadnji čas iskati prijevoz. Tak im se dogodilo da su moralji na dalki pot iti z Panić ketrecom, kojemu se ovim putem zafaljujemo,  i do Ivanca se peljati na prikoljici med kuljisama na minus 5.
Šifra: Z Panić ekspresom i do Švedske ako treba 

Točka 8. V kotaru Prilok je bilo otvorenje hotela i naš politički vrhovnik je bil prisutan i kak je red je sprobal postelje v sobi, alji su mu zabilji reči da je čistačica ne došla do te sobe pak je na postelji bila prašina od malari. I tak je naš Varga bači hodal po domjenku v prašnem rekljecu, su drugi gosti misljili da je to ve nova moda, kakti to je bolje rustikalno.
Šifra: Za pravim konjom se prašina zdiže 

Točka 9. Prosilji bi se lovce, a posebno one koji vozijo žutu Ladu nek dobro posljušaju vremensku prognozu dok ideju prek potoka v lov,   kaj im nej vodeni val pretvoril žutu Ladu u žutu podmornicu jer im unda lovna dozvola ne vredi za lov pod vodom, a za podvodni ribolov je ne dobra niti puška sačmarka.
Šifra: Lovnik 

Točka 10. Da je red da i čitoči vrapca naprajijo nekvo huncvutarijo vidlji su svi sudionici jene dečkarije. Dok je Umetnica završavala točku naši čitači su bilji v takvi teškoči kaj je klupica pod njimi popostila. Dok su tange opalje na pod i naši čitači su opalji na pod, pak se ve ne zna ej je to bilo od uzbuđenja ili iznenađenja jer tam de su trebalje biti dlake ničega ne bilo, pak su misljili da bodo od dolji bolje vidlji.
Šifra: Gola istina  

Točka 11. Isto tak se obaveštavaju si oni koji nameravaju održati deklariju i dečkariju da se osnovalo poduzeće Jaran i Bazmek d.o.o. koje pruža usluge pečenja na dečkariji i usluge striptiza na deklarijama, a jedni uvjet je da do polnoči pečeju ribe na dečkariji, a poslije pol noči plešeju na deklariji
Šifra: Skidamo se do šurci 

Točka 12. Več nabomo nikaj čitalji za Varga bačija, ve jena točka za našega načelnika: Prosilji bi ga da dobro prouči kaj značijo slova na skračenici naših stranaka kaj se nej desilo da se na skupštino pozivaju nekakve stranke iz naše prošlosti ili one koje ne postojijo.
Šifra: Socijalistička demokratska partija 

Točka 13. V našem selji za ve nega zaštitarskoga poduzeća alji zgljeda da je velika potreba jer se dešava da dolazi do svađi koje završijo z boksanjem v naši ustanovi za točenje alkohola. Ako ste imelji svate i ako ste ne prije platilji mužiku unda mužikašima platite z penezi kaj ste dobilji za šlajer, jer ako se to mam ne napraju penezi imaju čudne pote pak ostajaju dugi. A da ste bilji spametni moglji ste ulaznice pobrati za boks meč pak z toga platiti mužiku. 
Šifra: Duo erotik

Točka 14. Znamo kak je teško iti za svetke pobirat članarino i unda fnogi podljegneju pred ajnkoholom. Vrabec preporuča svim onima koji su v takvem stanju nek odijejo dimo spat na vreme,  a ne kaj po noči ideju obavljat poljoprivredne radove oranja i tanjuranja, pak se unda tak zmeteju kaj si zabijo zeti pljuga i još k tomu fuljaju zemlju. Jeni su z nosom oralji i to po asfaltu, jer navodno vu vuljici jorgovana i na asfaltu kalamper roste. 
Šifra: De je moja kapa? 

Točka 15. A ve športske vesti: Primečeno je da naši labdoritaši hodijo po beljem svetu na gostovanja od Jadrana pa do Nađkaniže, samo bi ih Vrabec prosil nek dobro pazijo na korpu z darovima kaj ju nej ostajilji v štacunu na zamotanju dok ideju na Mađarsku, jer z praznom rokom  se ne šika dojti v goste.
Šifra: Mi smo na Mađarski a korpa je v «Mecu»

Točka 16. Ako se poslije sportskog susreta nedate dimo z gostovanja i kolege vas ostaje, unda si zemite sebom adekvatnu obutvu, kaj se nej desilo kaj vas cipelji nažuljaju dok idete dimo i pešačite pet kilometri. Ako je to nekva vrsta pripreme za daljnju kuglašku karijeru unda se treba i sportski oblječi.
Šifra: Špic papak je ne za šporcki zadatak 

Točka 17. Obaveštavaju se sve autostoperke koje koristijo mobitel u automobilu poštenog vozača koji ih zeme sebom nek ga ne zabijo zeti sebom vun z auta  jer takov mobitel more prouzročiti hude neprilike vlasniku automobila ako ga slučajno najde njegva žena prilikom čiščenja auta. Drugi put bo mobitel na vrhu silosa i tam si bo treba dojti po njega. 

Točka 18.  Naši dečki su zišlji na hude glase jer se na jenem rođendanu nudila jena fest dekla, alji su svi našlji nekakav zgovor, jenoga je črevo boljelo, jen je moral v jutro k meši iti, jen si je ostajil ključe od auta pri ženi, jen se fest napil, jenomo se ne štelo i tak dalje. Na kraju je dekla dišla nezadovolj(e)na.Naše ministarstvo nataliteta i dobravskoga digniteta apeljira kaj se to već nej dešavalo jer bomo pak na kraju ljeta imelji negativno bilancu rođenih i umrljih a da ne govorimo o šteti kaj je nanešena naši turistički zajednici.
Šifra: Slavonija 

Točka 19. Da je ekonomska situacija jako kritična to već si znamo samo naša Vlada ne zna. Vrabec je primetil da se ljudi snalazijo na sakojačke načine, nekoji bolje delaju, nekoji si još več posuđuju, a nekoji kradeju. Jasno nam je dok se kradeju penezi ili poljoprivredni proizvodi na poljo, ali zakaj je treba krasti ženske ropce poslije polnočke to nam nikak nede v glovo.  
Šifra: Recesija 

Točka 20. Isto tak se moli pošteni nalaznik rezervora za gorivo koji je otuđen z čamca na Dravi nek ga nazaj instaljera jer bo lopov za kaznu moral veslati do Osijeka i nazaj. 
Šifra: Margareta   

Točka 21. Ako se zmisljite prošlo ljeto je jen naš dobravčan nopak zišel dok je potpiljil tožno vrbo jer je šumar jako na njega vikal, i bogec je tak pod stresom ostal kaj je zabil ciljati prilikom potpiljavanja drevija pak je jeno drevo zrušil na šupu. Vrabec bi prosil za oprez prilikom izvođenja radova posebno dok je motorka v roki. 
Šifra: Tožen ja tožna breza 

Točka 22. Prosilji bi se one poljoprivrednike koji delaju jako puno zemlji nek si na opčini podigneju kartu okolnih zemlji pak nek si označijo kaj su de posadilji, kaj se nej desilo kaj nemreju najti zemlju na jesen ili pak kaj zabijo pobrati poljoprivredne plodove. 
Šifra: Kalamper na Pažutu 

Točka 23. Prosilji bi se friške lovce koji idejo v lova na jeljene a sterljijo pajceke nek si dobro zavežejo mobitela okolji pojasa kaj im nej jeljeni pojelji mobitela v lovo pak ve po ljegradskem hatoro zvoni mobitel jeljeno v črevi, a ljegrađani se javljaju na pozive upučene na općinu.
Šifra: Jelenko 

Točka 24. Naš odbor za poljoprivredu se premenil makar je dobro delal, samo je ne znati zakaj su smenili precednicu koja dobro sadi kuruzu, a ne potprecednika kojemu sako peto zrno kuruze zraste.
Šifra: Šparam na kuruzi a ne na pilani 

Točka 25. Molimo navijača iz Dobrave koji je simpatizer jednog susjednog kluba iz Podravine da se ubuduće ne svlači i ne trči goli po terenu za vrijeme utakmice jer bitno utječe na ishod rezultata u korist protivnika.
Šifra: Da bi bio dobar trkač ne moraš biti drk..  

Točka 26. Vrabec je videl kršenja Zakona o zaštiti obitelji. Tak je jedna mama spljuskala svojeg punoljetnog studenta i to pred pajdaši. Dobro kaj je v društvu bil i poljicajec pak je to sve i zapisal – no nije jasno samo de je prijava završila?
Šifra Niti medicinske sestre ne smeju starešu decu buhati 

Točka 27. Porezni obvezniki prosiju uzorite mještane da paziju na svoje ključeve od auta  kaj ih pajdaši ne maznejo i otpeljaju sebom, a oni nemreju ići na sjednicu Općinskog Vijeća. Zato se točka na sjednici odgađala do kraja i onda je itak debatirano i bez njega, da bi se kasnije tri vure u Operi o tomu raspravljalo. Samo kaj tajnika v Operi nije bilo pak nema sljužbenog zapisnika
Šifra: Kapelnik 

Točka 28. Vrabec poziva poznatog arhitekta i građevinara Juru Radića naj dojde gljet kak se dela hamaljija na hamaljiju iliti po domače ograda na ogradu. S takvom arhitekturom bi zdržal i Maslenički most a kamolji ne naš budući viseči most čez kanal na Dravi.
Šifra: Krčma bez štengi 

Točka 29: Primečeno je da je na proščenje angažerana umjetnica na štajngi v jeni naši ustanovi za točenje alkohola bez štengi, ali su naši dobravčani ne skužili poslovni potez pak je investicija prepola a na štajngi se ve klobosi sušijo. 
Šifra: Ista kak i malo predi točka 28. 

Točka 30. Vrabec sako ljeto prati dogodovštine našega gumiboja iliti gumača. I ovo ljeto je primečen kak pospravlja inventar u jednoj krčmi i to na takov način kaj je reshitaval stolce. Več smo čulji da guma glavu čuva a od ve je treba i od gumača glavu čuvati. 
Šifra: Tu je šifra ne treba, se je transparentno  

Točka 31. Samo malo bi se doteknulji pokopiči. Pozivaju se neuki krovopokrivači tj. cimermani kaj bodo pazilji kak delajo krova i nek na krov ne pošiljaju več od dva radnike jer v mrtvačnici jega samo mesta za dva. Na srečo nega bilo mrtvi niti ranjeni, samo so pijani ostalji.
Šifra: Drvočuvar

Točka 32. Prosimo dobravske žene nek dovljejo peneze svojima možima za pivo kaj se nej dogodilo kaj za pivo dolji prodavačicama vreču zelja pak nek si one tržijo, a stopram je zelje bilo od jenoga drugoga vlasnika.
Šifra: Menjam glovica zelja za flašu pive 

Točka 33. Prosilji bi se mladenci da ak prije vjenčanja misle da im se bo potepalo kre hiže, nek to obavijeste susede, morejo i pri meši dok ih ozovaju, a ne dok se potepovlje po cesti kaj soseda mislji da joj kradeju kokoši, pak unda na polnoči viče i bega po cesti. Sreča je bila kaj je sosed šujster a ne lovac jer bi ljefko i puška počila.
Šifra: ulica 3. travnja 

Točka 34. Čulji smo več da su naši ljudi išlji v Alstrijo delat, a ve je i jena naša dobravska ferma dišla med gastarbajtere. Dok su naši ljudi išlji na Božić na feštu v Austriju tak su se kulturno ponašalji kaj su se od finoče zatrdelji na WC školjki, i unda z školjke dolji opalji a poscane hlače dimo peljalji. 
Šifra: Tak bormeš v Evropo nedemo 

Točka 35. Po pitanju kampanje v Dobravi u vezi ambulante vrabec ima rješenje i to tak kaj bi se ambulanta preseljila v poslovni centar, a tam bi se otprel starački dom s prirodnim liječilištem pod stablom ginka. Penzići samo moraju dojti pod drevo z šaljicom dok dešč curi i već bodo dobilji prirodni lijek za cirkulaciju i bolje pamčenje. Isto takav prijedlog je dobil potporu i od ministra zdravstva jer bi se smanjili troškovi nabavke lijekova. 
Šifra: Navodno ginko deluje i na potenciju  

Točka 36. Vrabec prosi se one koji idejo praznit riti v pošumljeno ogradu dobravskog lokala nek si dobro premisljijo de centrirajo jer dekla ima obloka od spavače sobe obrnjenoga prema ogradi i puno pot mislji da joj to popevaju serenade. Vrabec im poručuje da je bolje pozvati bandiste nego joj servirati z riti gljiste. 
Šifra: Pod mojim prozorom pjevaju ritice… 

Točka 37. Naši ceški su očito več tak stari kaj niti delati nemreju, tak je jen župniku dal mesto motike lopatu – valjda si je misljil  nek župnik zameče jamu on je sigurno bolje počinjeni. 

Točka 38. Vrabec bi prosil jenog našeg vrlog poljoprivrednika kaj bi malo več pazil na tuđi posođeni traktor. Posebno dok tri dni z njim dela i onda reklamira da mu je posudil potrti traktor. Se bi bilo vredo der nej bilo treba toga traktora z noftom natankerati. 
Šifra: Traktor na zelje neče iti 

Točka 39. Prose se lovci mehaničari ako idu f krčmu kre tehničkoga pregleda nek dobro pazijo kaj njim noge nej  v rikvercu ostalje jer ne samo kaj bi si mogli rebra potrti več bi i stanicu za tehnički pregled moglji demolirati.
Šifra: Ako su golubi glineni stupi su ne od gline 

Točka 40. Kriza i recesija je počela solidarnim davanjem posla naših majstora jedni drugima. Tak su jen zidar i poljoprivrednik dali fest posla našemu vodoinstalateru. Rekli su da se v krizi treba pomagati. Fest su se nadudali i unda mesto v školjku su rezance i klobase vrnuli v sudoper kojega su dobro zaštopalji. 
Šifra: Dolnji kraj        

Osuda fašenjka za ljeto 2008. 
Dragi naš fašenjk, kak i sako ljeto imamo za tebe pripravljeno optužnicu i saki put te osudimo po kratkom postupku. Niti ovo ljeto si ne bil bolji, pelde si zdeloval još malo bolje i već nego prošla ljeta. Štel bi nabrojiti samo nekoliko vanjskopolitičkih problema, nesi nam dol iti v Evropu nit ovo ljeto a još si nagovoril i sosede kaj nam to zabranjujejo, z druge strane si nam plina zapiral, a mlade si nam zemlje otiral. Z poljoprivrede si se norca delal, cene si spuščal, a umeta si zdigal, međe si stalno preoraval. Kriv si nam za dobravski natalitet, kriv si nam za ključe nogometnoga kluba na općini, sprečavaš nam turističku sezono jer ftopljaš fljojsare z austrijskim turistima i domačim familijama, gubiš nam mobitelje po Dalmaciji i po drugim područjima lijepe naše, v požirake nam točiš slabo vino a iz želuca dobre klobose tiraš vun, v revitalizirano jezero nam puščaš ribne ubojice, nedaš nam viseči most i vlječeš nas celo vreme za nos. Zaradi sega toga te optužujemo na kaznu momentalnoga vužiganja.