Vrobec za 2013. ljeto - Općina Donja Dubrava
Disable Preloader

Novosti

VRABEC ZA LJETO 2013., A ČITA SE V LJETI 2014.   Fašenjski odbor je na svojem redovitem zasjedanju malo pretepel dobravske probljeme, koji su se na tekočem pripetilji, i donesel je odluku da jih na of način obznani. No, predi nek bi počelji prezivati, štel bi vuto ime pozdraviti se vas slušatelje i slušateljice, oženjene i neoženjene, radnike i one druge, komedijaše i lakrdijaše, kartaše i fliperaše, a posebno muzikante i zafrkante, vatrogasce i grlogasce, lovce i krivolovce, kuglaše, nogometaše i košarkaše, stipendiste i bandiste, dimnjičare i električare, mesare i zidare, malare i grobare, pekare i štacunare, traktoriste i becikljiste, pumpače i gumače, veterinare i vinogradare, kuhare i konobare, krčmare i podrumare, šnajdere i šujstre, veslače i trubače, glasoče i navijoče, precednike, tajnike i blagajnike i se one druge koje bomo ovdi spomenulji vu njihovim zgodama i nezgodama, komedijama i tragedijama, svinjarijama i huncvutarijama, zafrkancijama i zajebancijama.
 
Ako se što nutri i prepozna nek mam z nosom ne zavija jer je to jena istinita fašenska huncvutarija.

A ve bi još štel povedati nekaj jako važno: Vrobec se na pesko piše, dok veter spuhne se se zbriše!                          

Točka 1. Počelji bi z prezivanjem i to v prvi točki bi spomenulji meštre koji su i prije fašenka bilji fašenki. Prosilji bi se hausmajstore koji misljijo da znaju domaj poprajti se od vešmašine do nuklearne podmornice i koji z jenom lopatom i dva hamre morejo zazidati hižu nek paziju kak režeju regips ploče jer fleks je ne najbolji izbor. Naši hausmajstori su imelji tak belje i prašne glave kaj je suseda misljila da su duhi posjetilji njihovo vuljicu. Vrabec drugi pot preporuča korištenje skalpela ili oštroga noža.  

Točka 2. Kak smo čulji v prvi točki skorom su duhi došlji v Dobravo, a v drugi točki bote čulji kak su vanzemaljci došlji v Dobravu. Sigurno ste čitalji v Dobravskim novinama, Frankfurter Algemajne cajtungu i Njujork Tajmsu da se na grobiju iskopala lubanja vanzemaljca i da ta je vest jeno vreme tresla se svetske medije. Jedino je ne objavljeno da to glova sveti po noći pak je zato mesto našla na naši općini jer se oče zašporati na rasvjeti v ovim kriznim vremenima. Što ne verje nek pogljeda sako noć v 11 vur. Navodno bi se moglo  zašporati i na grijanju jer nekoji jaljnjaki pripovedaju da je to samo trček oblikovani kak glova i sigurno bi dogo gorel v peči i ljepo grel se one koji veruju v natprirodne stvari.   Točka

3. Agenti X fajlsa su imelji posla z još jenom natprirodnom pojavom v naši ljepi Dobravi. Ne da je jen duh opal v akvarij, nego su to bilji dva duhi i uspelo ih se fotografirati. I to je objavljeno v novinaj. Dobro kaj je sveta voda pretirala to natprirodno pojavo jer su ribe skorom bilje šlagerane od straha. Vrabec je saznal da su v akvariju bilji hausmajstori iz prve točke, a on isti jaljnjak iz druge točke je rekel da je toga duha videl v svojem smartfonu tj. mobitelu. Vrabec poziva na oprez i ozbiljnost.  

Točka 4. Sigurno si znate da dok se tenjer ili korpa ostaji v gostima, unda se dimo nesme vrnuti prazno. Tak je jen naš mještanin ostajil korpu v štacunu i iskal ju je par dni. Poštena trgovka mu ju je vrnula, alji je ne poštivala stari običaj pak mu ju je vrnula praznu. Vrabec bi prosil trgovce nek paziju na stare običaje, nek naponiju cekere i korpe koji se ostajiju v štacunu, kaj se nej dotrgnulji stari dobri običaji.  

Točka 5. Idemo ve malo na kolturu. Vrabec je primetil da je v Dobravi aktivan jen mužikaš kojemu je jako ljepo igrati. Tak se jenput desilo da su naši KUD-ači bili na gostovanju i si bendi su svirali na pozornici i menjali su se sake pol vure. Naš mužikaš je ostal z sakim sastavom na pozornici i igral je tak ftek ž njimi kaj su ga ne imelji srca meknuti. Vrabec je ne saznal da li je dobil plačene gaže, ali da je dobil veljki pljesak to je saznal. Šifra: Rent a šipa

Točka 6. Vrabec bi prosil precednika našega kulturnoga  društva dok  putuje na Mađarsko na nastup nek pogljeda svoje dokumente kaj mu  se nej desilo da mora domaj ostati. Dobro je kaj je mesec dni prije svoje članove upozoraval nek pregljedaju svoje dokumente, samo je svoje ausvajse zabil pogljedati jer su mu isteklji. Šifra: Precednik stoj, tancari naprijed!  A Mađari su mu reklji Viszontlátásra! (Vizontlataša).  

Točka 7. Ovo ljeto smo vidlji kak se negda flojsalo i to je bil veljki događaj za naše malo mesto. Fljojsari su se dobro borili z Dravom i doplavalji su tijam do Legrada. Na povratku ih je prijela jaka bura pak im je skorom potopila fljojsa. Dobro kaj se v bljizini našel tegljač pak ih je sretno dotegljil nazaj v matičnu luku. Vrabec je doznal da je aldomaš za fljojsanje bil malo prejaki pak je kapetan zgubil navigaciju negder pri Otoku ljubavi, a prepoveda se da bi i za takve pothvate trebalo od europske unije zatražiti izgradnju svjetionika kaj se označi prodojina kaj se nej nasukalji v budučim pothvatima.  

Točka 8. Vrabec bi prosil se turiste koji ideju v Makedoniju nek dobro poslušaju kaj im veljijo v hotelu dok čakaju na taksi. Jemput se desilo kaj su im reklji nek čekaju na „Bel mercedes“, a zabilji su im reči da je to naziv taxi službe, a ne vrsta taxija, pak su naši Dobravčani ne štelji iti z nekvom tojotom jer su oni čakalji na mercedes i skorom su zakesnilji na altobus. Šifra: I na mercedes čeka dalje, dragi naš....  

Točka 9. Ova točka se veže na točku 8. Dok su naši turisti malo zakesnilji na altobus, šofer je bil jako nervozen. Istina je da su turisti bilji Dobravčani i istina je da je vozač isto bil Dobravčan, samo je ne istina da je šofer jako kljel, nego je istina da je fest jako kljel. Vrabec bi preporučil i jenima i drugima nek se malo curiknejo kaj nej izbil međunarodni incidenat s domaćim sudionicima. Šifra: Tko će kljeti koga ako ne svoj svoga.
 
Točka 10. Vrabec bi prosil sudionike Seoskih igara koji za sebe veljijo da igraju na domaćem terenu nek se malo curikneju dok zemljeju sportsku opremu na igre. Od strane organizatora se upozoravaju sve ekipe, a posebno ekipa domaćina da veš korpa kolači i lagef vina ne spadaju v sportsku opremu i da drugi put bodu oduzeti, a si sudionici ekipe bodo išlji na doping kontrolu. Šifra: Proleteri  

Točka 11. Fašenjski odbor mora javno iskazati jal i srditost jer je ne bil pozvani na druženje z županom v Dobravi. Isto tak je Vrabec saznal da je jaljen i srdit bil jen naš bivši načelnik jer se župan družil i z drugim strankama takozvanom oporbom i još im je platil pijačo. Prosimo župana za razum i suosjećanje i predlažemo da se drugi put druži samo z svojom strankom, a drugima nek v žepu figu kaže.  

Točka 12. Več dok smo pri politiki Vrabec bi štel napomenuti da se izbori nesmejo jako ozbiljno shvaćati jer se političari menjajo kaj deca sličice, a probljemi ostajajo isti. Jen naš kandidat za načelnika je izjavil da bo odišel z Dobrave ako ne pobedi, a mi misljimo da je to ne vredo jer i ovak v Dobravi zbog nataliteta i posla jega se menje Dobravčani pak zaradi takve bedastoće, kak je politika, je ne dobro doma ostajti.  

Točka 13. Vrabec je čul da je jeno naše društvo imelo višak penez pak je naručilo instrumente. Suprotno dobrim običajima i odgođenom plaćanju, instrumenti su plaćeni unaprijed. Penezi su se potrošilji, a instrumenti su ne našlji pota do našega društva tj. kak bi rekli naši političari: „transakcija je ne uspješno sprovedena pak bo treba predstečajna nagodba“. Vrabec je saznal da mešter za izradu inštrumenti išče špecijalno drevo jer navodno bodo tak glasni kaj nabo treba namonterati niti zvučnike, a niti nabo treba mikseta.  

Točka 14. Vrabec preporuča svim strankama dok organiziraju fešte nek nabaviju službu za rezvažanje veselih članova do svojih domova. Jempot se tak desilo da je tri litre Venusa kod jednog člana izazvalo takvo dobru volju kaj je misljil da more sam zapeljati svojega auta na svoj grunt. Navodno mu je nešto preparkiral drugoga auta na sletnu stazu pak je došlo do sudara. Vrabec je saznal da su ga pajdoši štelji otpeljati dimo, ali ih je on odbil jer za jenu šaržu kak je on je ne v redu kaj ga drugi dimo voze, a poslije im je nametal zakaj su ga ne otpeljali dimo. Kak negdašnji nogometaš se ne mogel pomiriti da si je zabil autogol v svojem šesnaestercu. Šifra: Zna se

Točka 15. Upozorava se najdugovječniji precednik naše športske udruge dok organizera feštu povodom plasmana u višu ligu nek pozove sve svoje pajdaše kaj se nej desilo kaj igrači moraju organizirati još jenu feštu i na nju pozvati se one koji su z nosom zavijali jer su ne bili na prvi fešti i bilji kvarni jako fini zdigani kolači njegve supruge.

Točka 16. Prosilji bi se one koji su odraslji v Dobravi, a ve živeju v Zagrebu tj. svi oni koji se osećaju kak Dobravski purgeri dok ideju dimo nek pripaziju na kućnu numero i vuljico kaj se nej desilo kaj sfuljaju i vuljico i hižu pak završiju v jarku. Dobro kaj susedi nemreju v jutro spati pak su ga zvljeklji z jarka i sprajilji na pravi pot. Šifra: Korsa

Točka 17. Isto tak je Vrabec primetil da se ne poštujejo upozorenja na obavezno korištenje zimske opreme v jutarnje sate v centru Dobrave, dok je cesta pokrivena snegom. Šofer koji je bil pod utjecajem alkoholnoga antifriza fest je zel anšlaga na zavoju pak je zgubil rat kapu. Pošteni nalaznik ga već mesec dni čeka ali šofer nikak da se javi.

Točka 18. Na Beverli Hilsu je na jeni terasi primečeno da je otprta samoposluga z becikljini. Navodno vlasnica izloži becikljina na terasi pred hižom kakti na razgljedavanje. Neje v redu da je zainteresirani kupac zel becikljina, a neje ga platil. Mortik je bilo krivo kaj je vlasnica becikljina zabila napisati gori ceno pak je zainteresirani kupac misljil da je gratis. Vrabec je saznal da je mortik istina da je becikljina ženi kupil njezin muž i da je gori dal ugravirati natpis „Zauvijek tvoj“, a spretni kupac je to prečital pak je misljil da je becikljin njegov zauvijek pak si ga je zel. Šifra: Črni Rog becikljin

Točka 19. Vrabec je primetil da je naš prvi hrvatski potprecednik ostal bez stranke pak ve Vrabec ne zna kak da savjetuje članove njegve stranke svezi glede daljnjega postupanja jer su nekoji premenilji stranku u više navrata pak bi ve nej bilo v redu kaj bi doneslji krivu odluku i ostalji bez radnoga mesta ili političke funkcije. Šifra: Čim dože tim bolje.  

Točka 20. Vrabec je ljetel po Dobravi i primetil je da je naša cirkva ljepo pofarbana i znutra i zvuna samo je ne prepoznal molare na skelama jer su ne bilji z našega mesta. Vrabec preporuča nadležnima za izbor i najam radnika nek se malo curiknejo i daju posla našim meštrima koji tu živeju i v redu bi bilo da osim cirkvenoga blagoslova dobijo i blagoslov dok se penezi deljiju. 
   
Točka 21. Ako morate iti na zdravstveni pregljed v Čakovec i nemate prevoza najbolje bo da se v naši školji raspitate da li možda deca ideju na izlet i mortik imaju prazno mesto v altobusu. Ljepo se otpeljate z njimi na pregljed i još pripazite decu kaj nej hamaljije delalji v altobusu. Šifra: tehničko osoblje  

Točka 22. Nije ljepo kaj se več nezna v sadašnje doba sprositi kum ili kuma za fermo. Istina je da je se slabeši izbor onih koji zadovoljavaju uvjete, ali je ne ljepo da se kum prosi prek telefona i samo se obavesti da je prešel na natječaju makar se na njega ne niti prijavil. Vrabec razme da su impulsi na mobitelu fal, a nekoji imaju i zabadaf tarifu, ali tak je ne smeti šparati kaj je kumu ne moči niti pijaču ponuditi i ljepo ga sprositi kak se šika. Šifra: Fal tarifa  

Točka 23. Kriza je zavladala i v Dobravi, pogotovo za Božić dok veljičasni ide z križecom. Negder se zapreju potna vrata, a ljesa se širom otpre kaj zgljeda kak der je družina zdoma odišla. I tak unda hiža ostane bez blagoslova, a Vrabec je seznal da je to zbog toga kaj je pri te hiži ljesa stalno otprta i da se ne hoda k meši. A domači su reklji v svoju oobranu da su zakljenulji vrata zbog toga jer su strahu Liniću jer veličasni ne izdaje fiskalne račune. Šifra: Bez računa se ne računa!  

Točka 24. Vrabec bi prosil sve one dužnike koji očeju poravnati račune, a nisu iz naše općine, a ne vupaju se suočiti z onem kojemu su dužni jer dotični ima sataru i po zanimanju je mesor nek peneze ne pošiljaju prek negdašnjih članova fašenjskog odbora jer bi se penezi moglji potrošiti prije nego dojdeju do odredišta. Znate kak se velji: Dug se na pesek ne piše, jer dok veter spuhne se se zbriše!
 
Točka 25. Obavještavamo sve one koji su sudjelovali na Seoskim igrama i poslije su bili na fešti povodom istih da  ekipa domačina nije nabavila sponzora za jedaču i pijaču nego se sponzor zval Sami se zmečemo d.o.o. Ako se nešto zabil zmetati, a to je obečal još mu je ne kesno. Šifra: Proleteri

Točka 26. Još jena obavijest za se športaše: Ako se bavite sportom koji zahtijeva adekvatnu obuću onda si tu obuću i donesite. Nije ljepo videti na kuglački stazi bosonoge igrače jer bi se moglo desiti kaj se poškljiznete dok hičete kruglju ili kaj vam nedaj bože kruglja na poljec opane. Šifra: Mala Čiči

Točka 27. Vrabec je primetil da je na jesen bilo puno posađene kuruze. Tak se jenput desilo kaj je jena žena išla brat pečenicu v jutro rano i jako se zbesila dok je čula da još nešto šušnja v kuruzi. Nije ljepo kaj se tuđa pečenica bere za ribičiju v isto vreme dok su vlasniki na zemlji jer bi moglo dojti do incidenta ili bi se žena mogla šlagerati od straha. Prosimo ribiče nek se curiknejo i pečenicu bereju samo po noči.

Točka 28. Vrabec bi ljepo prosil se one koji su sprošeni za kuma na svatima nek se dolično ponašaju na dečkariji. Tak se jemput desilo kaj je mladenec ne mogel puno spiti, tj. nije bil kapacitet i njegov kum je misljil da se ono kaj mladenec nemre spiti mora v sebe vljejati. Na odlasku dimo je pred jenom krčmom lježal policajec, tj. bil je postavljeni ležeći polacajac pak se kum na njega popiknul i opal je na gobec. Na svatima je bilo treba pol  kilje pudera kaj se skrilo zguljeno lice. Vrabec prosi za oprez.
Šifra: Tko ne voli meso, neka jede suši.
   

Fašenjski odbor je dobil v škrebljicu i dva naputke tj . zapovedi z Europske unije:   Kolinje „Europa 2013.“  

1.    Ne uznemiravaj pajceka prije klanja.
2.    Ne vleči pajceka za vuha z koca.
3.    Usmrti pajceka na humani način.
4.    Pajceku pusti krv čim laganije – bez burkanja.
5.    Oharaj pajceka z kropom na primjerenoj temperaturi.
6.    Raseči pajceka z oštrom sekirom.
7.    Pospraj pajceka na zapovedanu temperaturu v škrinju.
8.    Pripremi meso čim ukusnije.
9.    Naj se prežderati na kolinju.
10. Ne zabi odnesti cvirke Fašenjskomu odboru.  

10 zapovijedi za EU punice
1.    Ne petljaj se!
2.    Ne delji savete bez pitanja!
3.    Ne govori: Mi smo to predi ovak delalji!
4.    Ne razmazi unuke!
5.    Pomaži navek!
6.    Budi navek dobre volje!
7.    Naj biti zlopamtilo!
8.    Poklanjaj rado i obilno!
9.    Navek  budi spremna nestati!
10. Volji svojega zeta kak svoju kćer!  

  Osuda fašenjka za 2013. godinu.   Dragi naš Fašenjk, Fašenjski odbor je pretepel optužbe koje su mještani Dobrave prijavilji, a i ono kaj su ne vupalji prijavit,i a sami su vidlji  i došlji su do odluke koju vam bomo povedalji dok čujete još par točki optužnice. Tužimo te Fašenjk jer si sakojačke pelde i huncvutarije delal i ljude si na greh natiral. Pošiljati v ljeti sušu, a v zimi poplavu i ljeda to je bez sakoga reda. Odvodne kanalje si nam štopal, a fnogi je Dobravčan na ljedu opal. Političarima si pamet zmel, a našim ljudima si prek poreza veljke peneze zel. V finima i debeljima  autima si se vozil, a z skopim pljinom i strujom si nam sema grozil. Tuđa drva si v tuđe drvarnice trpal, a državne peneze si stalno drpal. Cene si v nebo zdigal i okolji tuđi ženi si se stalno brigal. Duhe i vanzemljake si nam celo ljeto pošiljal, a gljedače fljojsače z Drave si z dežđom pretiral. Točki optužnice jega puno, več nego akcijske  robe v štacuno. Zaradi sega toga je fašenjski odbor zaključil da si kriv po saki točki optužnice i kazna ti nabo kaj boš v Remetincu do kraja bnorel, nego boš v jognju zgorel. Prosim za muzičku zavesu i proceduru, z jognjom na njega!





Natrag