• Sprovod pokojnog Franje Čituša (M. Gupca 37) rođenog 09.11.1948. održat će se u utorak 20.02.2018. u 15h na mjesnom groblju u Donjoj Dubravi.

  • Sprovod pokojnog Franje Čituša (M. Gupca 37) rođenog 09.11.1948. održat će se u utorak 20.02.2018. u 15h na mjesnom groblju u Donjoj Dubravi.

  • Sprovod pokojnog Franje Čituša (M. Gupca 37) rođenog 09.11.1948. održat će se u utorak 20.02.2018. u 15h na mjesnom groblju u Donjoj Dubravi.

  • Sprovod pokojnog Franje Čituša (M. Gupca 37) rođenog 09.11.1948. održat će se u utorak 20.02.2018. u 15h na mjesnom groblju u Donjoj Dubravi.

  • Sprovod pokojnog Franje Čituša (M. Gupca 37) rođenog 09.11.1948. održat će se u utorak 20.02.2018. u 15h na mjesnom groblju u Donjoj Dubravi.

  • Sprovod pokojnog Franje Čituša (M. Gupca 37) rođenog 09.11.1948. održat će se u utorak 20.02.2018. u 15h na mjesnom groblju u Donjoj Dubravi.

  • Sprovod pokojnog Franje Čituša (M. Gupca 37) rođenog 09.11.1948. održat će se u utorak 20.02.2018. u 15h na mjesnom groblju u Donjoj Dubravi.

Vrabec za ljeto 2017., a čita se v ljeti 2018. 11.2.2018.


VRABEC ZA LJETO 2017., A ČITA SE V LJETI 2018.   Fašenjski odbor je na svojem redovitem zasjedanju malo pretepel dobravske probljeme, koji su se na tekočem pripetilji, i donesel je odluku da jih na of način obznani. No, predi nek bi počelji prezivati, štel bi vuto ime pozdraviti se vas slušatelje i slušateljice, oženjene i neoženjene, radnike i one druge, komedijaše i lakrdijaše, kartaše i fliperaše, a posebno muzikante i zafrkante, vatrogasce i grlogasce, lovce i krivolovce, kuglaše, nogometaše i košarkaše, stipendiste i bandiste, dimnjičare i električare, mesare i zidare, malare i grobare, pekare i štacunare, traktoriste i becikljiste, pumpače i gumače, veterinare i vinogradare, kuhare i konobare, krčmare i podrumare, šnajdere i šujstre, veslače i trubače, glasoče i navijoče, precednike, tajnike i blagajnike i se one druge koje bomo ovdi spomenulji vu njihovim zgodama i nezgodama, komedijama i tragedijama, svinjarijama i huncvutarijama, zafrkancijama i zajebancijama.
 
Ako se što nutri i prepozna nek mam z nosom ne zavija jer je to jena istinita fašenska huncvutarija.

A ve bi još štel povedati nekaj jako važno: Vrobec se na pesko piše, dok veter spuhne se se zbriše!     



TOČKA 1. DRAGI DOBRAVSKI PENZIĆI! VEĆ NABOTE MORALJI PO SVOJE PENZIJE V EURIMA ITI V KOTORIBU JER NA PRVI APRIL POZNATA EUROPSKA BANKA KOJA SE ZOVE „LUFTBRENZERI“ OTPIRA SVOJU POSLOVNICU NA ADRESI GORNJI FIZEŠ BB. TIME BODO REŠENI VAŠI PROBLJEMI S EURIMA.
ŠIFRA: DEVIZE ČUVAJ V ŠTOMFI

TOČKA 2. V JENEM DOBRAFSKEM PODUZEĆU DE DELA SAMO MUŠKA RADNA SNAGA PRETEPLJEJU SE SE DOBRAFSKE ZGODE I NEZGODE, TJ. VODI SE GLAVNI TRAČERAJ. BILO BI DOBRO DA SE SPOMENUTI MALO VIŠE POSVETE SVOJEM ŽIVOTU I TO NPR. JENI BI SE VEČ MOGLJI I OŽENITI, DRUGIMA BI BILO DOBRO KAJ SI SREDE NARUŠENE OBITELJSKE SITUACIJE, A TREČI BI SI MOGLJI GRUNTA POČISTITI.
ŠIFRA: SLATKI SOKOVI

TOČKA 3. TO KAJ SU NAŠI MESARI BILJI NAJBOLJI NA KOLJINAMA V MAĐARSKI, TO SI ZNAJU, ALJI TO MORAJU ZAFALJITI PRIJAŠNJOJ EKIPI KUHARA KOJI SU PEKLJI BONCEKE POD PEKOM. NAŠI KUHARI SU BILJI TAK VESELJI KAJ SU NE ZNALJI DA SU V MAĐARSKI, A BONCEKA SU TAK SPEKLJI KAJ SU POTLJI Z NJIM MOGLJI DRVA CEPATI.
ŠIFRA: PEDESET MI JE GODINA TEK

TOČKA 4. IZBORI SU PREŠLJI. JENI SU DOBILJI, DRUGI SU ZGUBILJI. JENI SU SE VESELJILJI, A DRUGI SU TUGUVALJI. VRABEC PROSI ONE KOJI SU TUGUVALJI KAJ SE OD ŽALOSTI NADU SRDILJI I NAPUHOVALJI TAK KAJ PREMENIJU BOJU, A ZNATE I V KAKVU BOJU, KAJ MOGLJI BITI ŠLAGERANI.
ŠIFRA: ŠTO ZGUBI IMA SE PRAVO I SRDITI

TOČKA 5. VRABEC PROSI SE PENZIONERE KOJIMA SU PREMALJE PENZIJE NEK DOJDU K NJEMU KAJ NJIM ON POMORE, A NE KAJ TERJAJU PENEZE OD POKOJNOGA PAJDOŠA ŽENU, KOJ JE VEĆ DVAJSTI LJET POKOJNI. PENEZE JE DOBIL I TO Z VELJKEMI KAMATI.
ŠIFRA: VRCAM, VRCAM, ALJI SEM I NAVRCAL

TOČKA 6. PROSIMO ŽENE OPČINSKIH ČELNIKA NEK SI DOBRO ČUVAJU SVOJU KARTICU, A NE DOK DEJU V ŠTACUN NA BLAGAJNI  DOZNAJU DA NJIM JE MOŽ KARTICU SPROZNIL I OSRAMOTE SE.
ŠIFRA: PENEZI SU ZA TROŠITI ČIJI GORT SU 

TOČKA 7. IMAMO RIBIČE KOJI RIBE TRŽE, IMAMO I ONE KOJI VAM DAJU ZABADAF, A VE IMAMO I RIBIČE KOJI VAM RIBE POSUDE ZA PRODAJU AKO NEMATE DOSTA.
ŠIFRA: DOBRO DJELO

TOČKA 8. PROSIMO TETE Z VRTIČA NEK SMIRE ŽIVCE I NEK NE ZAPIRAJU DECU VUN NA HLAĐENJE I NE ZOVU RODITELJE KAJ ISPIŠU DECU. 
ŠIFRA: ČUVAJTE SI POSLA

TOČKA 9. MOLI SE UMIROVLJENI VOZAČ ALTOBUSA KOJI VOZI NEREGISRTIRANI TRAKTOR KAJ BO POŠTUVAL PROMETNE ZNAKE I KAJ SE NA VOZIL KONTRA V JEDNOSMERNI VULJICI.
ŠIFRA: ZAGREBAČKA VULJICA

TOČKA 10. UPOZORAVA SE DOBRAVSKI SAMOUKI ADVOKAT I BILJEŽNIK DA DOBRO PAZI NA ČIJIM NEKRETNINAMA DELA UVIDA KAJ MU SE PAK NE DOGODI DA NASRED CENTRA DOBI ZA VUHO.
ŠIFRA: NE RIVLJI NOSA V TUĐE STVARI

TOČKA 11. VRABEC PREDLAŽE NAŠIM UVAŽENIM VATROGASCIMA, A ČESTO I GRLOGASCIMA DA PRILJIKOM SKUPLJANJA ČLANARINE V SAKU HIŽU DONESU I LJETKA NA KOJEMU BODO MJEŠTANI UPOZORENI NA KURENJE JOGNJA PO VRTIMA I GRUNTIMA. MOŽDA BU TO POMOGLO KAJ POJEDINI MJEŠTANI PRESTANU KURITI STARE GUMIJE I SAKOJOČKO SMETJE JER SE SUSEDI DUŠIJU, HIŽE SU NJIM PONE DIMA, A NEKOJI MISLJE DA NJIM NUTRI NEKAJ GORI.
ŠIFRA: DOLJNI KRAJ I ŠIRE

TOČKA: 12. NAŠE LOVAČKO DRUŠTVO MOGLO BI SE ZVATI KRIVOLOVAČKO. AKO NEKOJEMU LOVCU ZATREBAJU PENEZI, ODIJE V LOV MAKAR JE LOVOSTAJ, STRELJI SRNU, PRODA JU KRČMARU I PENEZE POSPRAJI V SVOJ ŽEP. STAREŠI PAK LOVCI TREBAJU MESO ZA DOKTORE TAK KAJ SE TULJKO DIVLJAČI NEMRE NITI NASTRELJATI. PRECEDNIK RATUJE Z RAČUNIMA, A LOVNIK SI NEMRE POMOĆI. MOŽDA BU VE SE DRUGAČ JER KAK SMO VIDLJI NAŠI SU LOVCI BILJI NA SPOVEDI PRI BIŠKUPU VU VARAŽDINU PAK VALJDA NADU VEČ GREŠILJI.
ŠIFRA: DOBRA KOB

TOČKA: 13. SI SMO PREČITALJI DA JE OD STRANE DUHOVNOG PASTIRA NAŠEGA MESTA PROZVANA JENA POLITIČKA OPCIJA. DOŠLO JE I DO MEĐUSOBNIH PISANIH PORUKA. VRABEC PREDLOŽE DA SE U VJERSKIM OBREDIMA BOŽEKA MOLJI I PROSI ZA POMOĆ, A NE KAJ SE ŠIRI POLJITIKANSTVO.
ŠIFRA: POLJITIKA I VERA

TOČKA 14. DRAGI MJEŠTANI! POGLJETE SI NA GROBIJU ELJ VAM NE FALJIJU KRIŽI. VRABEC VAM MORE POMOĆI NAJTI SAMO SLOVA V KALANICI NA RANČU JER SU KRIŽI ZGORELJI, A MESO SE POJELO.
ŠIFRA: NOGOMETAŠKA FEŠTA

TOČKA 15. V NAŠU DOBRAVU SE ZAVLJEKEL POLJITIČKI VRAG KOJ JE TAK POSVADIL NAŠE POLJITIČARE KAJ NJIH NITI NOVI SVECI NA CIRKVI NEMREJU POMIRITI. RADI TOGA SU JENI NE DOŠLJI NITI NA VEČERJU Z BIŠKOPOM.
ŠIFRA: ZNA SE

TOČKA 16. SI VI KOJI HODITE NA BANKOMAT PO PENEZE PAZITE KAK PARKIRATE ALTA. NEGDA TREBA I RUČNU ZATEČI, A NE KAJ SE ALTO OTKUTURA NA GRUNT I TO NA SEPTIČKU JAMU. JAMA JE BILA PONA PAK SU STANARI MISLJILJI DA JE NEŠTO DOŠEL Z ALTOM PRAZNIT JAMU.
ŠIFRA: ŠUMI, ŠUMI JAVORE

TOČKA 17. AKO VAM KOLAČI NE USPEJU ZA IZLOŽBU VRABEC VAM POVE KOMU NJIH MORETE DATI KAJ NE ODIJU POD KVAR.
ŠIFRA: OPĆINSKI DJELATNIKI

TOČKA 18. VRABEC PROSI TETE Z VRTIČA KAJ SE BODO PRIMERENO OBLAČILJE NA ŠETNJU Z DECOM NA DRAVU KAJ NADO RIBIČI GLJEDELJI V NJUVE NOGE NEGO V ŠTOPLJINE NA VODI.
ŠIFRA: MANEKENKA

TOČKA 19. NA FAŠENSKI ZABAVI PENZIONERI SU POKAZALJI NAJVEKŠE DRUGARSTVO I POŠTENJE JER DOK SU SI SI NAMETALJI GRAHA PO TANJERI SE KAJ JE OSTALO SU DALJI NAJMENŠEMU ČLANU KAJ JE POJEL Z ZDELJE KAJ SE MALO ZJAČA, ALJI SE DO DEN DENES OD TOGA NE VIDI NIKVA KORIST. 
ŠIFRA: FALA, FALA, FALA

TOČKA 20.  AKO STE V RODBINSKIM VEZAMA Z NAŠIM DUGOGODIŠNJIM OPČINSKIM DJELATNIKOM ONDA MORATE RAČUNATI NA SAKOJAČKE PRIVILJEGIJE. MORETE ZA MINAMALJEN IZNOS KORISTITI OPČINSKI POSLOVNI PROSTOR I BIVŠU DEPONIJU GRAĐEVINSKOG OTPADA. 
ŠIFRA: DOBRI BRATSKI ODNOSI

TOČKA 21. AKO DOJDETE NA DRAVU Z BECIKLJINOM GLJET RIBIČE KAK LOVIJU ONDA Z BECIKLJINA ZAJDITE DOLJI, A NE KAJ SE PELJATE I GLJEDITE KAJ SE ZALJETITE V MOTORBECIKLJIN I ONDA IMATE STROŠKE.
ŠIFRA: BISTRO

TOČKA 22. PROSIMO EMINENTNOGA MUZIČARA NEK NAVEK SEBOM NOSI ALATA KAJ SI NABO MORAL DIMO ITI PO NJEGA I ONDA SKORO ZAKESNI NA NASTUP.
ŠIFRA: POZABLJIVI PROFESOR 

TOČKA 23. DOBRAVSKI POLJITIČARI KOJI IMATE STARE GREHE VEĆ NATE MORALJI ITI PO OPROST GREHA V VARAŽDIN I NESTI DIVLJAČ JER VE TO MORETE OBAVITI V DORAVI PRI NAŠEMU BIŠKUPU KOJ VAM BO ISTO ZA DIVLJAČ OPROSTIL GREHE.
ŠIFRA: STARI KOMUNIST

TOČKA 24. VRABEC PROSI NAČELNIKA OPČINE KAJ SE POSTAJI NADZORNA KAMERA VU VULJICU IZA OPERE JER NEKOJI STANARI NEMREJO PRATITI SA DOGAĐANJA KAK DO VE PAK SE JAKO NAGINJAJU ČEZ OBLOK TAK KAJ BI MOGLJI Z HIŽE VUN OPASTI OD PREVELJKOGA NAGINJANJA.
ŠIFRA: RADOZNALA PENZIONERKA

TOČKA 25. MOLJE SE VOZAČI AKO POSODE ALTA OD KUMA I ONDA GA SPOTERU NEK BAR DAJU POLJICU OSIGURANJA ZA POPRAVAK ALTA, A NE KAJ SI  GAZDA SAM POPRAJI ALTA, A VE GA KUM KOJ MU  JE ALTA SPOTREL NEČE NA VULJICI NITI POZNATI.
ŠIFRA: NIJE SE V PENEZI

TOČKA 26. ZAHVALJUJEMO DOBRAVSKOJ SPASILAČKOJ SLUŽBI NA BRZOJ INTERVENCIJI PRI SPAŠAVANJU MJEŠTANA Z GRABE KRE CESTE.
ŠIFRA: DE MI JE RAKIJA 

TOČKA 27. PROSIMO STANARE ULICE 3. TRAVNJA KOJI SU DO VE BEGALJI K MEŠI, A VE NEČU NITI BLAGOSLOVA HIŽE JER NJIM VE NAJEMPUT NE PAŠU NITI VELJIČASNI NITI ZVONAR, A I SUSEDO SU JALNI KAJ NAPREDUJE PAK SE Ž NJIM VE NE SPOMINAJU, A ZA RUKAV SU GA VLJEKLJI KAJ SE TU DOSELJI NEK DOJDU K SEBI.
ŠIFRA: OPROSTI IM BOŽE

TOČKA 28. NEJE DOBRO BITI PREVEČ POBOŽEN PAK VAM ONDA DETE NAPAK ZIJE, A UNUK SKORO OSTANE BEZ JAPE. SA SREČA KAJ JE BOŽEK SE PORAVNAL I SE JE ZA VE DOBRO.
ŠIFRA: VUK SIT I KOZA CELA

TOČKA 29. AKO OČETE NEKAM ODITI, A DOMAJ IMATE POSLA, ODGLUMITE DA STE BETEŽNI. OBLJEČENI SE ZAKUKLJAJTE V POSTELJU I DOK ŽENA DIJE NA POSEL LJEPO PO PREČECU ZBRIŠETE NA ALTOBUS. DOK DOJTETE NA CILJ JAVITE ŽENI DA STE OZDRAVELJI V ZALAKOROŠU V TOPLJICAJ.
ŠIFRA:  DRUŽE, SNAĐI SE 

TOČKA: 30. DA FINI BELJI DOBRAVSKI ŠPORT ZNA ZAVRŠITI I ČRNO, SVEDOKI SU DOBRAFSKI LOVCI. VRABEC JE VIDEL DA SE NAKON TENISA PAJDOŠIMA MALO FTRGLO PAK SE JEN NI MOGEL DIMO OTPELJATI Z BECIKLJINOJ NEGO SO I NJEGA I BECIKLJINA DELJI V ALTO. DOK SU GA DOPELJALJI DIMO MAMA JE PITALA DOTIČNOGA DE JE NJEZIN BECIKLJIN, A BECIKLJINA JE V PRTLJAŽNIKI NI BILO. SAM BOG KAJ SU LOVCI BILJI BEZ PUŠKE DOK JE BECIKLJIN NA ZAVOJU PO ZRAKU  LJETEL.
ŠIFRA: SMIRI MAMU POD HAUSTOROM

TOČKA 31. VELJKA OBLJETNICA NAŠEGA KULTURNOUMJETNIČKOG DRUŠTVA JE TAK JAKO USPELA KAJ JE UPRAVA Z PAJDOŠI PRI VEČERJI NE IMELA MESTO NEGO JE MESTO VEČERJE JELA PONOČNO JELO.
ŠIFRA: NENAJAVLJENI NEPOZVANI GOSTI

TOČKA 32. VRABEC JE PRIMETIL DA ZA PREDIZBORNU KAMPANJU TREBA IMETI PUNO KONDICIJE KAJ SE PREDE SAKA HIŽA V SAKI VULJICI. BILO BI LJEPO DA SI JE DOTIČNI BAR NABAVIL ŠTAPA ZA PREGLJEDAVANJE VODE KAJ NEJ DRUGA STRANA VIDLA DA HODA NAGOVORJAT MJEŠTANE KAJ BODO ZA NJEGA GLASALJI. 
ŠIFRA: POBJEDNIK S RUKSAKOM NA PLEČI

TOČKA 33. KAK VRABEC SE PO SOD LJETI TAK JE JEN PETEK DOLJETEL I NA STARO DRAVO. VEČ PRI PRVI HIŽI SU BILJE STRAHOTE OD VIKE: „ZVAL SEM BELU - NISI ZVAL, LAŽEŠ P…. TI M…….“. OD TIH STRAŠNIH REČI I DABROVI SU POBEGLJI PAK EKOLOGI POZIVAJU NA MIRNA DRUŽENJA. 
ŠIFRA: PREKOPSKI LAMPEŠ, SMIRI SE

TOČKA 34. JEN NAŠ KULTURNJAK SE POVEZAL NA MAĐARSKI Z JENEM MEĐIMURSKEM POZNATEM PEVAČOM. Z NJIM JE NASTUPAL NA NJEGVEM KONCERTU I POBRAL VEKŠEGA PLJESKA NEGO DOTIČNI PEVAČ. 
ŠIFRA: SKRIVENI TALENT

TOČKA 35. MOLJIMO ČLANICU „UDRUGE ŽENA“ KAJ OVO LJETO POMORE SVOJIM PAJDAŠICAMA ZA „DANE LJUKA“ I MALO SE OZNOJI, A NE KAJ SAMO DE NA FEŠTU, POSLJIKA SE S ŽUPANOM I NAČELNIKOM, POBERE V POSODICE NAJLJEPŠE KOLAČE I ODIJE.
ŠIFRA: BEVERLI HILS

TOČKA 36. DA NAŠI OPČINARI IMAJU SE VEČ I VEČ POSLA SVEDOČI I VRABEC. VRABEC JE RANO VJUTRO VIDEL ČOVEKA Z ČRNOM KAPOM KAK NAGANJA PESA OKOLJI ZUBNE AMBULANTE, A ONDA MU JE V POMOČ DOŠLA BECIKLJISTIČKA PATROLA POJAČANA Z PEŠAKOM. BILJE SU TO RATNE IGRE KAK NA PLEJSTEŠENU, ALJI BILJI SU SPRETNI S PESOM I ZAPRLJI SU GA V KOROŽNJAK DO DOLASKA SPECIJALNE POLJICIJE Z ČAKOVCA. DOK JE EKIPA Z ČAKOVCA DOŠKA PESA JE NE BILO.
ŠIFRA: POD JE BITEN








  • << natrag na popis novosti